Можам ексклузивно да најавам дека имаме предвид уште две големи компании со кои се преговара да инвестираат во ТИРЗ, истакна директорот на ТИРЗ Јован Деспотовски во интервјуто за Фронтлајн.
„Една од нив е американско-тајванска компанија која ќе тежи исто така околу 200 милиони. Дополнително разговараме со еден голем јапонски бренд кој исто така тежи 200 милиони евра, но тие својата одлука треба да ја донесат на почетокот на идната година. Сепак таму сме во конкуренција со повеќе држави од централна и источна Европа“ вели Деспотовски во интервјуто за Фронтлајн.
Компаративно гледано во однос на регионот, според директорот на зоните, можеме да се натпреваруваме само со Србија, додека во однос на останатите ние сме далеку пред нив или пак е неспоредливо во начинот на кои ние функционираме.
450 милиони евра изнесуваат Директните странски инвестиции (ДСИ) само оваа година, вели директорот на ТИРЗ Јован Деспотовски, или како што вели „повеќе од двојно споредено со лани“.
Со тоа 2022 е најдобра во историјата на постоењето на Слободните трговски зони, вели Деспотовски. Оваа сума од 450 милиони евра постигнати за една година, е половината од сè што е остварено за цела една декада од работата на зоните, вели Деспотовски во интевјуто за Фронтлајн.
