Почна расправата за Законот за Јавно Обвинителство во комисијата за европски прашања како матична комисија, а потоа законот ќе се упати за финално гласање на пленарна седница.
Министерката за правда во нејзиното образложение на почеток ги исфрли обвинувањата на опозицијата пласирани и вчера и денеска на почетокот на комисијата. Дескоска тврди дека законот е утврден во Влада.
„Во Собрание бил по грешка донесен Законот со грешки, кој не бил утврден на седница на Влада. Потоа по реакција на пратениците на ДУИ потврдивме дека е поднесен погрешен текст на законот, кој текнички го повлековме и во Собрание го донесовме Законот кој бил утврден на владина седница. И затоа не е вистина дека текстот не е утврден во Владина седница”, рече Дескоска.
Предложениот текст, Десковска рече дека дава гаранции за борба против криминал и корупција како и за продолжување на постапките отворени од СЈО. Овој закон според неа дава и гаранции за независност на Јавните Обвинители.
„Станува збор за закон кој создава услови за создавање ефикасно обвинителство за борба против криминал и корупција. Се создават гаранции за обвинители од Обвинителството кое ќе треба да следи кривични дела и корупција од страна на високи функционери и им се дава континуитет на отворените предмети. Една од гаранциите е дека не може еден обвинител да земе предмет од обвинителството за гонење организиран кримунал и корупција освен во ситуации кога се утврдува злоупотреба, или прекршувања. Со оглед на тоа што законот беше профилизиран со пратениците, на предлог на некои пратеници е внесена нова постапка за избор на обвинител за Обвинителство за организиран криминал, преку гласање на сите обвинители, а тој потоа ќе биде изгласан од Советот на Обвинители”, рече Дескоска.
Претходно пратениците на ВМРО-ДПМНЕ побараа законот да се исфрли од дневниот ред, но предлогот беше одбиен со мнозинството гласови од членовите на комисијата.
А. Зеќири