РИБАРО
Експертите за средбите Мицкоски-Орбан, како историска(!) ја оценија најновата дружба на претседателот на ВМРО-ДПМНЕ со неговиот десаничарски колега и ценет европски деспот Виктор Орбан. Ова е јубилејна 100. средба на Мицкоски со Орбан, и како што нагласуваат од неговиот кабинет, планот е да се остварат барем уште 100 за време на опозицискиот мандат на Мицкоски. Со оглед на тоа што Мицкоски остварува средби само со Орбан, а другите европски и лидери на западните демократии не сакаат ни да го чујат ни да го видат, епитетот „историска“ е уште пооправдан, за АХА оценуваат експертите.
Мицкоски изразил огромна благодарност на укажаната чест да се реализира оваа јубилејна 100. средба, а исто така се заблагодарил и за гостопримството што Орбан му го овозможува на неговиот гуру и бегалец од правдата Груевски. Орбан од своја страна рекол дека е задоволство да се разговара со добро реализиран полтрон и дека вратите во Будимпешта се секогаш отворени за толку истрениран коленичар како што е лидерот на вмровците.
Од кабинетот на Мицкоски за АХА најавија дека следна на распоредот е официјалната посета на Мицкоски на својот татко.
Мицкоски не само што дипломирал кај неговиот татко, туку Мицкоски бил избран и за асистент кај татко му, па оттаму, како што јавуваат нашите извори, на средбата неминовно ќе тежат претстојните избори за ректор на УКИМ.
Посебен осврт на официјалната средба помеѓу таткото и синот, се очекува да бидат „семејните стебла во УКИМ“ и колку тие се штетни за образованието во Македонија, каде искуствата и примерот на Христијан и неговиот татко се од исклучително значење.
Рубриката АХА! е простор за хумор и сатира. Секоја сличност со реалноста е намерна и не е претерана.
FRONTLINE.MK
