Воздушните напади врз Кијив беа обид да се поткопа моралот на Украинците, наместо тоа, тие само го зајакнаа. Очајниот Путин, како Сталин во 1941 година, испрати реплика на верска икона на фронтот која се пренесува од единица до единица меѓу руските војници додека се подготвуваат за украинска контраофанзива.
Путин е во паника поради очекуваната украинска контраофанзива, која можеби веќе е во својата прелиминарна фаза на „обликување на бојното поле“. Тој не знае, не повеќе од другите, кога точно ќе започне офанзивата, каде ќе удри или дали ќе успее. Она што тој го знае е дека ако постигне значителен успех, неговите денови би можеле да бидат избројани, со пукнатини кои веќе се отвораат внатре во Кремљ и меѓу неговите најважни послушници.
Тенко распроредените и недоволно подготвени трупи на руската армија подготвуваат одбранбени позиции долж линијата на фронтот за да одбијат украински напад или серија напади и планираат свои операции за подривање на контраофанзивата. Но, настрана од рамнотежата на силите, критично важен за успехот или неуспехот во војната во Украина е моралот.
Воздушните напади врз Кијив само го зајакнаа моралот на Украинците
Путин многу добро знае дека моралот меѓу неговите сопствени трупи е кревок, многумина од нив не знаат зошто од нив се очекува да водат војна што, повеќето, не ја ни разбираат. Тој знае дека мора да го скрши моралот на украинските војници на борбената линија и на цивилите на домашниот фронт. Затоа неодамна ги засили воздушните напади врз градовите и населбите. Тие се наменети да убиваат цивили, да ја уништат инфраструктурата, да ја нарушат воената економија и да го направат животот мизерен – и за оние во градовите и за нивните роднини на фронтот, пишува Телеграф.
Во саботата вечерта, Русија го започна најголемиот бран напади со експлозивни беспилотни летала од почетокот на инвазијата во целосни размери. Педесет и два од 54-те дронови „Шахед“ испорачани од Иран беа соборени од небото. Четириесет беа насочени кон Кијив, најинтензивниот баражна цел на градот досега, при што загина еден цивил.
Следниот ден, Кијив, прославувајќи ја 1.541-годишнината од своето основање, веднаш се врати во нормала. Нема масовна паника, нема сериозно нарушување на животот. Обидите на Путин да го заплаши украинскиот народ и нивните лидери едноставно не функционираат. Прво го испроба во февруари минатата година, очекувајќи дека Кијив ќе падне за неколку дена, едноставно со ракетен оган и руските сили кои се упатуваат кон главниот град. Како Лондон во Блиц криг и подоцна под дождот на Хитлеровите ракети V1 и V2, овие руски воени злосторства имаат спротивен ефект од она што е наменето, служејќи само за зацврстување на волјата на народот за отпор.
Украинските војници на фронтот знаат сè за злосторствата на руската армија врз локалните цивили во областите што ги окупираа, како и за киднапирањето на илјадници деца во индустриски размери. Решеноста да ги задржат Русите од нивните врати и да ги вратат зад нивната граница ги тера овие трупи да се борат уште посилно. Едно од најчестите барања до Западот што се праќаат од Украина, од команданти и војници, покрај барањето за повеќе муниција и современо оружје, е западните сојузници да не вршат притисок врз нивната влада да се договори со Русија.
Како и неодамнешните испораки на модерно западно оружје, пред се тенковите Леопард 2 од германско производство, американските одбрамбени системи Патрот, британските ракети „ Shadow storm“ и ветувања за модерни авиони на подолг рок, Путин потресен од континуираниот проток на муниција во Украина додека ја подготвува контраофанзивата, успесите на украиските противнапади на повеѓе точки на линијата на фронтот, вклучително и херојската одбрана на Бахмут, каде сега ураинската војска ги потиснува деморализираните руски војници на крилата на разурнатиот украински град, во очај путин посегна по религијата и суеверието за да го зајакне моралот меѓу заморените руски војници пред предвидената украинска контраофанзива.
Очајниот Путин испраќа реплика на икона на првата линија за да го зајакне моралот
На снимката што ја емитуваше руската телевизија во неделата покажува религиозна икона како се пренесува на линијата на фронтот додека војниците кои се борат во Украина се благословуваат и ја бакнуваат репликата на Ахеиропоета.
Иконата, за која се вели дека ја благословил московскиот патријарх Кирил, како што објави Телеграф, е однесена во обиколка на руските единици, изјави протоереј Вјачеслав, претставник на Руската православна црква, кој ја придружува иконата.
„Командата на борбената група одлучи да направи процесија за да ја пренесе од единица до единица. Ќе го испорачаме до секоја единица, било да е тоа на линијата на фронтот или во задниот дел, голема или мала, без разлика“.
Путин им ја даде иконата на командантите за време на велигденската посета во април на регионите Херсон и Луганск.
Тој беше снимен како го презентира на руската група на сили „Днепар“ и им кажа дека му припаѓа на „еден од најуспешните министри за одбрана во руската империја“.
Тој, исто така, даде слична реплика на Источниот штаб на Националната гарда во областа Луганск, окупирана од Русија.
Напорот за зајакнување на моралот доаѓа по неколкумесечни незначителни територијални придобивки, особено сега пред долгоочекуваната украинска контраофанзива го одразува растечкото суеверие кај Путин.
„Тој има примитивно суеверие за сè што се однесува на религијата“, изјави Ксенија Лученко, истакната авторка за црковни работи, за радиото Ехо Москва во егзил во тоа време.
„Путин претходно ја благослови идејата да им се делат (џебни) икони на војниците – тоа не функционираше. Сега тие решија да одат уште подалеку“.
И по Сталин-Путин
Ова не прв пат советски ( читај руски) диктатори да посегнуваат по верски реликвии кои ќе ги пратат меѓу војниците на линиите на фронтот. Путин само ја повторува постапката на својот идол Сталин кој побара помош од Црквата во еден опасен временски период во историјата.
За време на Втората светска војна, додека нацистичките трупи се доближувале до Москва и покрај невидено жестокиот отпор што го давале советските трупи, Сталин издал наредба да се најдат руските православни свештеници кои со молитва ќе ги благословат одбранбените линии околу главниот град.
Наредбата на Сталин да се осветат одбрамбените линии за задржување околу Москва им била издадена пилотите од воздушна база Ходински, на само неколку километри оддалеченост од Кремљ. За таа цел биле избрани борбени авиони И-16 „Ишак“ (магаре) кои имаат тројни кабини и токму затоа биле избрани за задачата за благослов. Покрај пилотот и радиотехничарот, на „магарето“ бил натоварен и свештеник, опремен со мали икони и некој вид четки за попрскување на рововите со благословена вода.
Она што Путин го заборава, или не сака да го види, е дека во 1941 година Русија беше нападната , и Русите водеа одбрамбена војна, па затоа моралот на војниците и без иконите и останатите религиски реликвии беше висок. Сега ситуацијата е обратна, Русите се агресор, а Украинците ја бранат својата земја, и моралот им е на исклучително високо ниво, и без употреба на икони, свети водички, вуду кукли и други магии.
Драган Мишев / Цивил Медиа
