Фронтлајн најостро го демантира оркестрираниот напад од портали блиски до ВМРО-ДПМНЕ: Не продуцираме и не спонзорираме такви видеа, нашата редакција е злоупотребена!

Фронтлајн најостро ја демантира и осудува оркестрираната лажна вест дека нашата редакција го спонзорира или дека има каква било поврзаност со видео во кое Александар Николовски е изваден од контекст.

 

1 of 7

- +

Ја осудуваме злоупотребата на телефонскиот редакциски  број на Фронтлајн и ја сметаме за крајно тенденциозна и манипулативна.  Ова е обид да се урне нашиот углед и кредибилитет, а клеветите ги отфрламе целосно и со индигнација.

Очигледно е дека се работи за сатирично видео, како и тоа дека соговорникот на ТВ21, Николоски, е изваден од контекст, што исто така е за осуда.

Ние такви сатирични видеа не продуцираме, ниту објавуваме, ниту спонзорираме. Немаме никаква врска со ова видео, ниту со Фејсбук страната за која се зборува во текстот на Лидер, Вечер, Нетпрес, Експрес, Курир и други, како и во Фејсбук објавите на Богдан Илиевски и функционерот на ВМРО-ДПМНЕ, Александар Николоски.

Навредливиот тон на објавите нема да го коментираме, нека им служи на чест на авторите.

Редакција Фронтлајн

Текстот е дополнет два пати, соодветно на пристигнатите информации за тоа кој сѐ ја шири оваа клеветничка содржина против Фронтлајн.