Институтот за медиуми и аналитика ИМА ќе ја промовира својата седма публикација: „Медиумите и човековите права (анализи)“. Институтот за медиуми и аналитика ИМА ќе ја промовира својата седма публикација: „Медиумите и човековите права (анализи)“, денеска, со почеток во 12 часот, во хотелот Квинс во Скопје.
Дел од настанот е и панел – дискусијата, на која учествуваат Насер Зибери – Народен правобранител на Република Северна Македонија, Славица Анастасовска од Хелсиншкиот комитет за човекови права, Вики Младенова – докторантка на меѓународни студии на Универзитетот за ориенталистика во Неапол, проф. д-р Сефер Тахири – универзитетски професор по новинарство и јавни комуникации, и Џабир Дерала – претседател на ЦИВИЛ.
Настанот ќе го модерира Петрит Сарачини. По излагањата на панелистите и авторите на публикацијата, предвидена е и дискусија со учесниците и присутните на настанот.
Настанот е дел од активностите на ИМА поддржани од Европскиот фонд за демократија од Брисел (ЕЕД), чија цел е унапредување на критичкиот дијалог, третманот на човековите права во медиумите, борбата против медиумската дискриминација, дезинформациите и говорот на омраза.
