Фронтлајн најавува ексклузивно видео интервју во живо со лидерот на СДСМ, Димитар Ковачевски, денеска, понеделник, 8 април, со почеток во 10 часот. Интервјуто ќе го води познатиот новинар Зоран Иванов, а интервјуто ќе се пренесува на Фејсбук страницата и Јутуб каналот на Фронтлајн.
Ковачевски, кој ја водеше владата од 2021 година до крајот на јануари оваа година, е носител на кандидатската листа за парламентарните избори во „единица“ и ја води партијата што го поддржува претседателот Пендаровски за негов реизбор.
Нашиот ексклузивен соговорник ќе одговара на прашања за постигнатите резултати, за вредностите во македонското општество и ориентацијата на државата и за програмските определби во иднина, како и за низа други прашања.
Д. Е.
