Во Полска од утре во следните 14 денови ќе бидат затворени сите училишта, кина, театри и музеи, со цел да се спречи ширењето на корона вирусoт.
Полските власти соопштија дека предучилишните и училишните институции од утре нема да работат, додека за најмалите деца уште ова недела ќе биде обезбедена ограничена грижа.
Факултетите, музеите, театрите и кината исто така ќе бидат затворени од утре.
– Во многу тешка ситуација сме, но по Италија можеме да видиме дека може да биде многу потешко, изјави полскиот премиер Матеуш Моравијецки.
Додека полскиот министер за здравство Лукаш Шумовски наведе дека во училиштата нема епидемија, но оти Владата се обидува да го спречи ширењето на вирусот. Тој истакна дека децата треба да останат дома и да избегнуваат користење на јавен превоз.
Во Полска досега се потврдени 26 случаи на новиот корона вирус.
