Украинскиот претседател Володимир Зеленски смета дека новоизбраниот претседател на САД Доналд Трамп има потенцијал да и помогне на Украина да го запре рускиот диктатор Владимир Путин, пренесе Укринформ.
„Трамп има одлучувачки капацитет во оваа војна. Тој навистина може да го запре Путин или да ни помогне да го запреме Путин. Имавме неколку разговори, и состаноци и по телефон. Тој е силен и непредвидлив. Многу би сакал непредвидливоста на претседателот Трамп да се фокусира првенствено на Руската Федерација, верувам дека тој навистина сака да стави крај на војната“, изјави Зеленски во интервју United News, според дописникот на Укринформ.
„Нашите тимови се во постојан контакт. Имаше состаноци во живо. Шефот на мојата канцеларија беше таму, нашиот министер за надворешни работи воспостави контакти, а нашиот министер за одбрана одржува посебни линии на комуникација“, рече Зеленски.
Украинскиот лидер рече дека е свесен за оние кои се обидуваат да создадат поделби. „Точно знам кој ги гради нивните планови за да не поделат“, заклучи тој.
Д. Т. / Цивил Медиа
