Штитеник на дом за стари лица во градот Дентергем во западниот дел на белгискиот регион Фландрија со нож нападна тројца свои состанари, убивајќи двајца од нив и нанесувајќи му сериозни повреди на трет.
Градоначалникот на Дентергем, Кунрад Дегроуте, кој утрово го посети домот, изјави дека при овој „шокантен настан“, две лица починале на самото место, додека третото е во критична состојба и е преносно во болница.
Како што јави белгиската државна телевизија ВРТ случајот бил забележан од негувателите во домот во текот на ноќта, кои веднаш ја известиле полицијата и повикале брза помош.
Осомничениот напаѓач, чиј идентитет не е соопштен, е приведен во полициска станица, а на местото на настанот увид вршат форензички тимови.
Мотивите за нападот засега не се познати.
– За домот за стари лица и за општината ова е шокантен настан. Нашите мисли сега, пред сè, се со жртвите и нивните семејства, изјави Дегроуте.
