Делегацијата на Европска Унија во Албанија, им честиташе на премиерот Еди Рама и на сите министри од новиот кабинет, за преземањето на функцијата.
Во соопштението објавено на социјалните мрежи, се наведува дека Албанија има можност да ја постигне амбициозната цел за завршување на преговорите за членство во ЕУ до крајот на 2027 година.
– Честитки до премиерот Еди Рама и до сите министри за преземањето на функцијата. Со постојан напор за усвојување и спроведување на потребните реформи преку транспарентни и инклузивни процеси, Албанија може да ја постигне амбициозната цел за затворање на преговорите за членство во ЕУ до крајот на 2027 година. Со нетрпение очекуваме да соработуваме со сите засегнати страни во Албанија за да го постигнеме овој историски момент, во корист на албанските граѓани, наведува Делегацијата на ЕУ на платформата Икс.
Честитка до Рама по повод неговиот четврт мандат како премиер, упати украинскиот претседател, Володимир Зеленски.
– Честитки Еди Рама за вашиот реизбор за премиер на Албанија. Со нетрпение очекувам да го продолжиме нашиот одличен дијалог и да работиме заедно за да постигнеме траен мир и безбедност за цела Европа, напиша Зеленски на Икс.
Тој, исто така му посакува на Рама „успех во реализацијата на амбициозните планови за Албанија и нејзиниот пат кон интеграција во ЕУ“.
