Поплавите што зафатија делови од југоисточна Бугарија и брегот на Црното Море одзедоа три животи и принудија стотици луѓе да се евакуираат своите домови, соопштија бугарските власти.
Министерот за внатрешни работи Даниел Митов изјави дека меѓу трите жртви се двајца спасувачи кои загинале пружајќи помош во крајбрежното одморалиште Елените, кое е најпогодено од невремето.
Делови од крајбрежниот регион се тешко оштетени, а пороите однесоа автомобили и приколки во морето и поплавија куќи, хотели и кампови.
Бугарските власти прогласија вонредна состојба во неколку градови по должината на брегот на Црното Море, а јавниот превоз е во прекин поради поплавени патишта.
Министерството за внатрешни работи соопшти дека ситуација во регионот на Бургас постепено се нормализира. Во североисточниот дел од земјата и денеска е прогласен жолт аларлм за можно невреме, а се следат и тековите во сливот на реките Тунџа, Јантра и Марица.
Во текот на изминатите 24 часа, одговорено е на 340 повици за предизвикана штета од невремето. Од нив 218 биле за паднати дрвја, 100 за поплавување и 22 за обезбедување помош и евакуација. Полициските, жандармерските и противпожарните служби евакуираа над 100 луѓе во погодените населби, од кои 17 се деца.
Над 80 населби се без електрична енергија. Состојба на катастрофа е прогласена во општините во регионот на Бургас, Монтана, Видин, Перник и Крџали, а вонредна состојба во Несебар, Царево, Перник, Крџали.
Во округот Бургас, ситуацијата останува најтешка во Царево, Свети Влас и одморалиштето Елените. Делови од Созопол, селото Лозенец и две населби во општина Карнобат се без електрична енергија.
Дел од патиштата се затворени поради паднати дрвја, а дестици населби се отсечени.
“Елените” днес преди около 5 часа (около 14 часа). Според близката НИМХ станция, правеща измервания в района, за периода от полунощ до към 6 следобяд, тоест за 18 часа, са паднали около 220 милиметра дъжд (неокончателна информация). А дъжда продължава. Жертвите в “Елените” са… pic.twitter.com/iyGTuJdQrt
— Всичко е точно (@takeonmenow) October 3, 2025
Бугарското Министерство за внатрешни работи соопшти дека се ангажирани дополнителни сили кои им помагаат на локалните власти во надминување на последиците во поплавените населби. На терен се и припадници на армијата.
