Над 1.000 музичари потпишаа отворено писмо со повик на бојкот на Евровизија 2026 поради учеството на Израел, објави Pitchfork. Меѓу потписниците, се: Роџер Вотерс, Massive Attack, Брајан Ино, Macklemore, Питер Габриел, Paloma Faith, Primal Scream, IDLES и Kneecap.
Во писмото, објавено од кампањата No Music for Genocide во соработка со Palestinian Campaign for the Academic & Cultural Boycott of Israel, се наведува: „Одбиваме Евровизија да се користи за whitewashing и нормализирање на израелскиот геноцид“. Радиодифузери од Шпанија, Ирска, Исланд, Словенија и Холандија веќе се повлекле од натпреварувањето.
Паралелно, се појави и спротивно отворено писмо во поддршка на израелското учество, организирано од Creative Community for Peace. Според објавата на организацијата, меѓу потписниците се Хелен Мирен, Мила Кунис, Ејми Шумер, Џин Симонс, Бој Џорџ, Шерон Озборн и уште повеќе од 1.000 луѓе од забавната индустрија.
Со тоа, Евровизија 2026 уште пред одржувањето се соочува со силни политички и културни поделби, и покрај долгогодишното инсистирање на натпреварувањето дека е политички неутрално.
Редакција Фронтлајн
