Бројот на антисемитски кривични дела во Германија се зголеми за 13 проценти минатата година, објави денеска весникот „Велт ам Зонтаг“, пренесе МИА.
„Минатата година беа регистрирани околу 2.000 антисемитски кривични дела, што претставува зголемување за 13 проценти во однос на 2018 година“, посочува весникот, повикувајќи се на годишниот извештај „Политички мотивирани казнени дела“, кое Министерството за внатрешни работи ќе го објави во вторник.
Медиумски најекспонирано кривично дело со антисемитска позадина е нападот на синагогата во Хале, во октомври минатата година.
Вкупно, бројот на политички мотивирани кривични дела е зголемен за 14 отсто и лани изнесувал 41 илјада. Нешто повеќе од половина од нападите се однесуваат на извршители од десниот спектар.
