Во ПОСЛЕДНИТЕ 24 часа направени се 661 тестирање, а регистрирани се 52 нови случаи на ковид-19 и 30 оздравени пациенти.
МИНИСТЕРОТ Филипче порача дека е можно повторно да бидат воведени рестрикции во некои места ако тоа го наложи епидемиолошката состојба. Засега сѐ уште нема потреба од таква мерка зашто се следат кластерите на вирусот.
НАШАТА земја е меѓу 29-те држави од Европа и светот, за кои од 15 јуни ќе биде дозволено патување во Грција, според листата од Министерството за туризам на Грција.
Во ОПШТИНА Прилеп денеска нема новозаболени од коронавирус, а еден пациент оздравел од заразната болест, информираат од Општина Прилеп.
ВИЦЕПРЕМИЕРКАТА задолжена за економски прашања и координација со економските ресори, Мила Царовска, генералната директорка на АД МЕПСО, Ева Шуклева и градоначалникот на Валандово, Перо Костадинов, беа во работна посета на трафостаницата во Валандово, каде што се во тек инвестициски активности за нејзина модернизација.
ДИРЕКТОРОТ на Агенција за млади и спорт, Дарко Каевски, заедно со градоначалникот на Општина Ресен, Живко Гошаревски, денеска направи увид во завршните активности на реконструкцијата на спортска сала „Зоран Стојановски”.
ПОТПРЕТСЕДАТЕЛОТ на СДСМ, Коста Петров, на прес конференција од седиштето на партијата, ја презентираше предвидената помош опфатена во третиот пакет економски мерки за поттикнување на домашната потрошувачка преку финансиска помош за граѓаните.
ДЕНЕС е отворен Центар за грижа за корисници на ЈП „Комуналана хигиена“ во управната зграда на претпријатието зад поранешен Скопски саем. На отворањето на Центарот присуствуваа директорот на ЈП Комунална хигиена-Скопје, Абдусамед Шабани, директорот на ЈП Водовод и канализација Душко Весковски и градоначалникот Петре Шилегов, кој се обрати пред присутните.
ОСНОВНОТО јавно обвинителство Скопје предлага поранешната директорка на ЈЗУ Клиника за дерматовенерологија, д-р. сци. Нина Цаца Биљановска, која е обвинета за кривично дело – Пренесување заразна болест, да биде казнета со парична казна во висина од 10 илјади евра во денарска противвредност.
На ЈАВНАТА расправа, што трет ден се одржува во Апелацискиот суд за жалбите по пресудата за случајот „27 април”, Вишото јавно обвинителство со повеќе образложенија ги оцени жалбите на одбраната на обвинетите како неосновани.
МАСОВНО тестирање вчера е почнато на сите вработени во штипската конфекција, каде што деновиве се шири коронавирусот, но и на работничките од другите две конфекции кои се превезувале во истиот автобус со заразените до своите работни места.
ФРОНТ: Кафана не смее да трпи за една корона, чочекот го гледаш, Ковидот не! Живели царе!
ИЗМАМНИЦИ кои како мамка користат лажни написи од списанието „Форбс“ и анти-ЕУ дезинформации продолжуваат со кампањата насочена кон корисниците на Фејсбук од Европа, предупредува Фондацијата „Метаморфозис“ во изјава објавена во Скопје на 28 мај
ПОЖАРИ ширум Русија зафатија повеќе од 14.300 хектари шума, соопшти руската Служба за заштита на шумите и воздух. Од полноќ во Русија активни се повеќе од 34 шумски пожари, а противпожарните служби прават сè за да ги изгаснат огновите.
А. Н. Стојчевски
