НЕМА нов полициски час, Владата ги задолжи МВР и инспекторатите да вршат засилени контроли во подрачјата со поголем број нови случаи од Ковид-19.
РЕГИСТРИРАНИ се 87 нови случаи на коронавирус, Досега во земјата се направени вкупно 38.014 тестирања на ковид-19. Од вкупниот број направени тестови во изминатото деноноќие 80 теста се во рамките на скринингот во градинки во Скопје, нема позитивни резултати на ковид-19, соопшто министерот Филипче.
ФРОНТ: Кој му го смести на Филипче – колумна од Сашо Орданоски.
ВО Скопје 41 новозаразен, најмногу во Чаир и Карпош. Во Скопје има вкупно 760 активни случаи на КОВИД-19.
ПОЧНА распределбата на таблети за основци во Прилеп, донација од семејството Дестани Таблетите ќе бидат распределени во сите 7 основни училишта во градот како и во трите училишта во населените места Тополчани, Мало Коњари и Канатларци, согласно бројот на запишани ученици.
МИЦКОСКИ прво нека ги научи протоколите за заштита од коронавирусот, а потоа нека глуми загриженост за економијата и за здравјето на граѓаните, велат од СДСМ.
МИНИСТЕРОТ за транспорт и врски Горан Сугарески денеска изјави дека сè уште е рано да се донесе одлука за отворање на аеродормите.
СИТЕ проекти што ги почнавме во државата се реализираат и здравствената криза воопшто не влијае врз завршувањето на капиталните инвестиции. Посветени сме на реализација на капиталните проекти и моментно низ цела држава се одвива силна градежна офанзива, истакнува Сугарески.
ВО Грција тестот за туристите нема да биде задолжителен, туку ќе се прават тестови по случаен избор. Веројатно во четврток Министерството за здравство и Генералниот секретаријат за цивилна заштита ќе излезат со соопштенија за тестовите – колку, кога, каде, како ќе се прават, како и за зајакнување на здравствените структури во земјата.
НАЈГОЛЕМИОТ економски пад од Големата депресија во САД официјално влезе во рецесија, и земјата не е повеќе во постојан економски раст, соопшти синоќа Си ен би си, повикувајќи се на извештај од Националното биро за економски истражувања.
Ј. Ѓ.