Во Шпанија денеска се регистрирани 580 нови случаи на заразени со новиот коронавирус, што е најголем скок во бројот на нови случаи во последните два месеца.
Претходниот ден беа потврдени 390 нови случаи, а повеќето случаи беа во регионите на Арагон и Каталонија.
Шпанија ги укина рестриктивните мерки на 21 јуни, и оттогаш избија повеќе од 170 локални епидемии, претежно во Каталонија, каде бројот на новозаразените е 142. Во Арагон на истокот на земјата, бројот на нови случаи е 266, соопшти Министерството за здравство.
Здравствените власти на Каталонија објавија дека бројот на новозаразени лица се зголемил на 1.293, што е најголем од 18 мај. Бројот на заразени лица во Каталонија се зголеми тројно од минатата недела.
Воведени се ограничувања во некои делови на Каталонија, а официјалните лица најавуваат дека ќе треба да се преземат мерки и во Барселона. /МИА/
