Претседателот на Здружението на ветерани на поранешна ОВК, Хисни Гуцати, соопшти дека утрово Здружението добило пакети со предмети од Специјалниот суд во Хаг во кои се имињата на сите сведоци во случаите на тој суд.
Тој на вонредна прес-конференција рече дека не знае кој ги доставил и дека има околу четири илјади досиеја на Специјалниот суд во Хаг во кои се наоѓаат имињата на сите сведоци во случаите на Специјалниот суд.
Потпретседателот на Здружението, Насим Харадинај, рече дека се изненадени, но дека „во нив има докази дека оние што се пратеници, влада, оние кои гласале за тој суд се жртви, плен, подлеци и отпадници, најштетните луѓе кои не сакаат добро за Косово“… затоа што со цел да се легитимира судот на една етничка припадност, дури и во име на меѓународните претставници, станале плен на Србија“, рече тој.
Харадинај, како што пренесува Бета, рече дека го добиле ова досие, околу четири примероци со околу 1.400 страници и дека ги содржат имињата на сите сведоци Албанци, Роми и Срби, и дека секое лице има датум кога и каде се испитувани./МИА/
