Додека Антонио Милошоски големиот „борец за македонштината и патриот“ по собраниските комисии беседи против договорот со Бугарија и како тој договор е штетен за македонските национални интереси, не може а да не се навраќаат спомените на тоа кој е Милошоски и какви се неговите бугарски релации со политиката која ја застапува Каракачанов и неговите следбеници кои се најтврдокорните што ја негираат македонската нација и јазик како посебни.
На насловната фотографија се гледа Антонио Милошоски во друштво токму со тие истакната следбеници на Каракачанов.
Сопственикот и уредник на бугарската новинска агенција Фокус, Красимир Узунов, потсетува на дволичноста на Милошоски и вели дека тој кога одел на гробот на Тодор Александров, одел заедно со Ангел Џамбаски и за да му биде поевтино спиел на таванот на ВМРО во Бугарија
„Не може Милошоски, кој мислам дека им е заменик претседател на Комисија за внатрешна политика, да суди и да говори против Бугарија и договорот за добрососедство помеѓу двете земји, колку тој бил лош за Македонија, кога тој истиот, заедно со Ангел Џамбаски, одеа заедно на гробот на Тодор Александров. За да му биде по евтино, спиеше на таванот на ВМРО во Бугарија. Каракачанов е вицепремиер – може да го прашате како тие го одгледаа.“, вели Красимир Узунов.
Европратеникот Ангел Џамбаски потсетува дека Милошоски отсекогаш велел дека е вистински Бугарин.
Џамбаски за тоа кога Милошоски беше против договорот на Македонија со Бугарија, коментира дека Милошоски го веел бугарското знаме, велел дека е Бугарин од Македонија, а денес работи против интересите на Македонија.
„Милошоски велел дека е Бугарин од Македонија. Тој учествувал на помените за Тодор Александров и има фотографии на кои тој, заедно со нас го држи бугарското знаме. Примерот со Милошоски е трогателен. Беше ексклузивен Бугарин за време на владеењето на Љубчо Георгиевски, а потоа избра да ја следи новата линија на Груевски. Еден човек, кој се заколна во бугарската кауза, кој изјавувал дека е Бугарин, денес работи против интересите на Македонија за потпишување на договор за добрососедство со Бугарија.”, вели за бугарската агенција Фокус, европратеникот Џамбаски.
Да се потсетиме, тоа е истиот оној Милошоски, „борец за посебноста на македонскиот јазик“ кој за Блаже Конески има говорено како за „џуџето од Небрегово“.
Д. Е.
