Црниот пропагандист на ВМРО-ДПМНЕ Богдан Илиевски, познат како „Бетмен“, на 1 декември објавува твит со монтирано видео од стари изјави на Бучковски дадени на 30.04.2020 (за „Радио Европа“) и на 16.02.2019 (за БГНЕС).
Во текстот од твитот на Бучковски злонамерно му се припишуваат изјави кои што не ги кажал, а кои понатаму се пренесуваат во идентичните наслови на „Република“ и „Курир“: „Македонците постојат од 44-та, а Бугарите се постар народ, вели Бучковски, кого Заев го одбра да нè брани“ (Република, 02.12.2020 / 10:23) / „Македонците постојат од 44-та, а Бугарите се постар народ, вели Бучковски кој Заев го одбра да нè брани“ (Курир, 02. ДЕКЕМВРИ 2020. @ 11:07).
Црната пропаганда оди дотаму што „новинарот“ Бранко Героски објавува колумна клеветејќи го Бучковски дека дал интервју како специјален претставник: „Професоре Бучковски, Ви го одземам правото да преговарате со Бугарија во мое име и во име на мојот народ!“, против „крајно спорните и опасни тези што ги изнесовте во Вашето последно интервјуто за бугарски медиум, чиј дел е пренесен во твитот објавен на крајот на овој текст“ (твитот на пропагандистот на ВМРО-ДПМНЕ задолжен за оцрнување на Заев).
Подоцна Героски објавува исправка и извинување до Бучковски и до медиумите, но воопшто не се извинува на сите читатели и граѓани што ги доведе во заблуда: „Интервјуто на г-н Бучковски е дадено за Телевизија Европа, а не за агенцијата БГНЕС, како што беше претходно напишано. Извинување за ненамерниот превид до него и до двата медиума“.
Меѓутоа, секој новинар знае дека тука нема простор за „ненамерен превид“, туку за флагрантно кршење на новинарските стандарди преку намерно објавување на пропагандно-оцрнувачки тези од Центарот за лаги и манипулации на ВМРО-ДПМНЕ.
Целта на оваа антимакедонска и антиевропска кампања на Центарот за лаги и манипулации на ВМРО-ДПМНЕ е да се направи штета на преговарачкиот процес, да се влошат односите со Бугарија, и да се загрози нашата иднина во ЕУ.
Героски, во меѓувреме, имаше изјава која ја објавија неколку портали:
„Овој превид суштински е небитен за тезите на Специјалниот пратеник со кои полемизирам. Во мојот коментар нема говор на омраза или било каква нетрпеливост. Самиот професор Бучковски ми најави дека полемиката ќе ја продолжиме.За жал, агенцијата БГНЕС, во остар коментар ме обвини за “фабрикување” интервју и за говор на омраза. Тоа е тажно, бидејќи со сопственикот на агенцијата Љубчо Нешков многу добро се познаваме и тој најдобро знае дека таквите обвинувања на моја сметка се не само неточни, туку и бесмислени“, стои во реакцијата на Героски.
Тој вели дека некои македонски медиуми ова го користат за да го поткрепат обидот за негова лична дискфалификација и за спречување на јавната дебата за суштината на отворените прашања меѓу Скопје и Софија.
Д.Е.
