Д-р Сашко Николов, новоизбраниот градоначалник на Штип, неколку месеци беше дел од новиот собраниски состав, од редовите на владеачката СДСМ. Со освоени над 80, 31 % од гласовите на вчерашните вонредни локални избори во Штип, ќе го предводи градот под мотото „Во сигурни раце“.
Роден е на 30 јули 1980 година во Штип. По националност е Влав. Високо образование завршил на
Универзитет „Св. Кирил и Методиј“, Универзитет „Гоце Делчев“.
Откако неговиот претходник Благоја Бочварски ја презеде функцијата министер за транспорт и врски, Николов беше првиот избор на СДСМ за кандидат на Штип.
Николов меѓу штипјани е познат интервентен кардиолог, основач на Одделот за коронографија и интервентна кардиологија во болницата во Штип.
Д-р Сашко Николов е млад и квалитетен интервентен кардиолог од Штипската Клиничка болница, кој пред 4 години се префрлил од приватна институција во оваа болница, со цел да допринесе повеќе за развојот на интервентната кардиологија и да понуди дополнителни услуги коишто биле недостапни за пациентите од овој регион. Благодарен за одличната соработка со Министерство за здравство, Клиничката болница Штип овозможува непрекината, константна и професионална на највисоко ниво работа за одржување на кардиоваскуларното здравје на пациентите. Работата му претставува задоволство и секојдневно уживање, кое е клучно за успешна работа во секоја професија.
Тој во 2014 година дојде во оваа болница од приватна институција, со цел да придонесе повеќе за развојот на интервентната кардиологија за да се понудат услуги кои беа недостапни за пациентите од Источна Македонија.
Николов со неговиот тим работи интервентна кардиологија и стентирање на сите крвни садови од нозете до вратните артерии. На овој начин се овозможи комплетно покривање на сите пациенти со кардиоваскуларни заболувања.
Николов е познат и по спортскиот дух. Игра кошарка, а порано бил и успешен каратист.
„Некогаш многу одамна му бев карате тренер во КК Македонка, Штип. Беше одличен воин, сега е одличен интервентен кардиолог“, напиша своевремено неговиот тренер по карате Стојанче Ангелов.
Додека беше пратеник Николов изјави дека ќе продолжи да оперира. Во вчерашната изјава, по победата, Николов изјави дека Штип останува во сигурни раце и дека се заложува да работи за доброто на штипјани.
И.З.
