Љупчо Николовски, генералниот секретар на СДСМ, беше на лидерската средба што се одржа кај претседателот Стево Пендаровски, на која учествуваа лидерите на сите политички партии што самостојно освоиле места во парламентот. Тој јавно, на социјалните мрежи, посведочи за неколку важни поенти од лидерската средба. По ова сведочење, време е лидерот на ВМРО-ДПМНЕ да излезе пред јавноста и да почне да дава одговори, бидејќи се намножија неодговорени прашања.
Мицкоски се однесува крајно неодговорно и незрело, што ѝ штети на неговата партија, како и на целата земја. Тој, веднаш по лидерската почна да му издава наредби на партискиот прес центар да демантира написи што се засноваат на факти, како текстовите посветени на лидерската средба што во неделата вечерта ги објави FRONTLINE.MK. Неговите пофални зборови за премиерот Заев не ги одрече во ниедна прилика, но затоа, како ништо да не се случило, продолжи со навреди и ширење омраза.
Валканата пропаганда продолжува, а Мицкоски непрестано ги хушка партиските ботови и медиумски мегафони да шират невистини и клевети и против оние што изнесуваат факти за неговите различни лица и опачини.
Како што е познато, однесувањето на Мицкоски е сосема спротивно на тоа што се знае за лидерската средба. Еве што напиша Николовски на својот Фејсбук профил:
Како сведок на лидерската средба а заради бегањето на опозицијата од избори во декември да се потсетиме на фактите а не лажните вести од истата:
1. Мицковски не кажа ниту еден збор за тоа дека Заев или Владата се виновни за недобивањето на одлуката за преговори,
2. Мицковски ја поздрави големината на Заев за одговорната пракса што ја воведува да ги повика граѓаните да се изјаснат за идниниот пат на земјата.
3. Заев прв предложи конкретен датум и тоа за брзи избори на 22 или 29 декември со техничка Влада.
4. Мицковски по подолго молчење и неизјаснување почна да инсистира на 100 дена техничка Влада без конкретен предлог.
5. Мицковски ниту еднаш не спомена конкретни датуми за избори во јануари ниту пак во февруари.
6. Мицковски како конкретен предлог го даде 22 или 29 март а после тоа и 5 април. Секој нов предлог беше што подоцна што значи повторно одлагање.
7. Предлогот за избори во Април не беше предлог на Заев и СДСМ туку на останатите. Заев предложи избори во Декември.
8. На Зоран Заев во тек на целата средба му беа важни државните интереси и затоа вршеше консултации со министрите во Владата за да може да се ратификува навремено протоколот за #NATOи секако да се вратат стотиците милиони евра долгови наследени од Груевски.
Николовски, во својата објава, потсети и на неколку важни поенти од стратегијата, политикитие и практиките на неговата партија која ја предводи владината коалиција:
СДСМ ќе добие уште еден мандат од граѓаните и ќе продолжи да ја води државата на вистинскиот пат на демократски и европски вредности, патот на развој и просперитет, бидејќи тоа е патот што води напред.
За пола мандат, од изолирана земја, раскарана со своите соседи станавме светол пример во регионот за многу прашања. Ќе станеме членка на НАТО што е најсилна гаранција за стабилност и безбедност.
За да се одржат овие придобивки треба државата да има демократско раководство. Затоа бараме чист мандат за граѓаните да се изјаснат дали се за обнова на криминалот, режимот, неправдите или се за тоа да ја градиме Европа тука.
Во вториот мандат ќе ја градиме Европа тука. Ќе ги дозајакнеме реформите, ќе ја доразвиеме економијата, ќе изградиме Европска држава, без разлика на внатрешните одлуки на ЕУ.
Ќе продолжиме заедно уште посилно за повисоки плати, нови работни места, поголема социјална помош, изградба на ново патишта и градинки, поголема поддршка за домашните фирми, повеќе мерки против загадувањето и враќање на повеќе пари директно кај граѓаните.
Како сведок на лидерската средба а заради бегањето на опозицијата од избори во декември да се потсетиме на фактите а не…
Gepostet von Ljupcho Nikolovski am Mittwoch, 23. Oktober 2019
Христијан Мицкоски изразил признание за храброста и одговорноста на Зоран Заев
