Здружението на новинарите на Македонија, Синдикатот на новинарите и Министерството за правда, работат на подготвување на законски измени во кривичниот законик со кој нападот врз новинарите ќе биде третиран како напад врз службени лица.
Овие измени се планират во насока на подигнување на нивото на безбедноста на новинарите и медиумските работници во земјава, кои често пади во минатото биле цел на напади и закани од разни нивоа, вклучувајќи и поранешни високи владини функсионер.
“Во таа насока, во соработка со Синдикатот и министерството за правда работиме на измена на кривичниот законик со цел нападите врз новинарите да се сметаат како напад врз службени лица. Од друга страна соработуваме и со Академијата на судии и јавни обвинители со кои одржуваме обука за примена на европската пракса на судиите и јавните обвинителите, но и на адвокатите и новинарите со што придонесуваме да имаме судска пракса во согласност со европски практики.
Исто така новинари и правни експерти во соработка со МВР моментално работат на креирање на протоколот за односи меѓу полициските работници и полициските службеници”, изјави Младен Чадиковски, претседател на ЗНМ.
Од друга страна Министерот за внатрешни работи, Оливер Спасовски, потврди дека Владата и раководството на Министерството за внатрешни работи се ангажирани во обезбедување на безбедноста на медиумските работници.
„Всушност МВР, односно ние како актуелно раководство на институцијата уште при почетокот на нашиот мандат јасно дадовме на знаење дека таа соработка и комуникација се на самиот врв на агенда на активности што сакаме да ја реализираме во насока на реформирањето на полицијата. И тоа го покажавме не само преку примерот со експедитивното расчистување на нападите во периодот на 2017 година, туку истовремено ги интензивираме соработката и дијалогот со претставници на медиумските здруженија со цел да изградиме оптимален партнерски однос во интерес на јавноста и граѓаните”, изјави Спасовски.
А. Зеќири
