Играчот од средниот ред на Манчестер Јунајтед, Пол Погба, одбива да влезе на теренот. Според шпанската радио станица „Копе“, францускиот фудбалер целосно се опорави од повредата поради која не играше скоро два месеци. Сепак, тој нема намера да ја продолжи кариерата во Јунајтед и сака трансфер во текот на зимскиот преоден рок, пренесува МИА.
Главниот кандидат за ангажман на Погба е Реал. Манчестер јунајтед го проценува Французинот на 150 милиони евра.
Пријавено е дека менаџерот на „црвените ѓаволи“ Оле Гунар Солскјер, земајќи ги во предвид сите околности, повеќе не е против продажбата на Погба, иако летото беше категорично против прекин на соработката со него.
Оваа сезона Погба одигра пет натпревари во Премиер лигата.
