Вархеји: Планираме преговарачката рамка да ја презентираме во јуни. -Ќе почнеме сега многу брзо да ја подготвуваме рамката, треба да седнеме со двете земји, планираме да го ставиме ова на дневен ред на Советот најбрзо што може, односно јуни, изјави Вархеји. По денешната одлука на Советот за општи работи да се отворат преговорите со Албанија и Северна Македонија, Европската Комисија има сега задача да изготви преговарачка рамка – земјите кандидати имаат иста таква обврска од своја страна. Штом таа рамка биде финализирана, им се поднесува на земјите членки кои треба да ја одобрат, со што се отвора патот за одржување на првата меѓувладина конференција.
Шекеринска: Со депонирањето на нашиот Протокол во Вашингтон ќе станеме 30 членка на НАТО.
Седумдесет милиони евра од ЕУ помош за државата за справување со корона вирусот. Премиерот Спасовски прашан што се презема во однос на активностите за добивање хуманитарна помош, како другите од соседството, Спасовски одговори дека многу работи прави Владата и дека врши и сопствени набавки и обезбедува опрема.
Тројца вработени од МВР позитивни на Ковид 19, не биле теренски ангажирани.
Филипче: Користиме германски тестови за Ковид 19, масовно тестирање може да ја искриви сликата. Сите тестови за Ковид 19 се унифицирани, имаат исклучително висока сензитивност, но за жал ниту еден тест не е 100 проценти тоен. Тестовите што се користат кај нас се германски и има протокол кој мора да го задоволи тестот за да се користи во лабораториите за вакви цели, рече министерот за здравство Венко Филипче, одговарајќи на новинарско прашање на редовната прес-конференција во Владата.
МАЛМЕД одобри: Од утре се применува комбинацијата од хлоркинин и азитромицин за заболени од Ковид 19. Денеска на состанокот на Комисијата за етички прашања во МАЛМЕД, беше одобрена комбинацијата на терапија за пациенти заболени од коронавирусот. Комбинацијата што ја содржи лекот хлоркинин и азитромицин што се покажа како ефективен во повеќе земји и таа одлука ќе биде аплицирана од утре и во болнички и во домашни услови по соодветна индикација од лекарот, бидејќи е потребна прво проценка на клиничката состојба и се дава кај одредена група не кај сите, рече Филипче.
Затворено Одделението за трансфузиологија во Охрид, персоналот бил во контакт со заразен пациент.
– Согласно контактот што го имало лицето со сите вработени иако не се сите во висок ризик беше донесена одлука од страна на епидемиолозите сите десет вработени, докторите, медицинските сестри, помошниот технички персонал да бидат во домашна изолација, изјави Филипче.
„Алкалоид“ донира 200.000 евра на МЗ и ги намалува цените на 158 производи од својот асортиман. Со намалени цени „Аналгин“, „Кафетин“, „Прокулин“, „Бетадине“„Ацерола“, „Блокмакс“, „Бронлес“, лекови за намалување на телесната температура, одредени помошни лековити средства, разни витамини и додатоци во исхраната, средствата за чистење од колекцијата „Глос“, сите дезинфициенси, антисептици, средства со антибактериско дејство и други слични производи.
