Општина Карпош од денеска почнува вонредна дезинфекција на станбените згради кои имаат повеќе од осум домаќинства.
– Дел од комуналните служби на Општината ќе вршат дезинфекција на влезните врати и влезните делови од зграда, гелендери, сандачиња и лифтови. Дезинфекцијата ќе се изврши со дезинфекциско средство за јавни површини и домаќинства. Оваа мерка претставува дополнителна поддршка за заедниците на сопственици/куќни совети, имајќи ја предвид кризната состојба со Ковид-19, соопшти Општина Карпош.
Вонредната дезинфекција на станбените единици не значи одложување и прекин на другите активности за одржување на хигиената, планирани од станарите. Напротив, наведува Општината, тие треба да се спроведуваат тековно, а особено да се интензивирани во овој период на раширеност на корона вирусот.
Општина Карпош ги повикува сите граѓани да се придржуаат до препораките за заштита од вирусот, да одржуваат зголемена хигиена во влезовите и заедничките простории од зградите.
Градоначалникот на општината, Стефан Богоев, сподели на својот Твитер профил за акцијата на општината.
„Почнува вонредна дезинфекција на згради, со над 8 домаќинства во Карпош. Се дезинфицираат делови од згради, гелендери, сандачиња и лифтови. Вонредната дезинфекција на зградите не подразбира одложување/прекин на др.активности за поголема хигиена во влезовите.#ЧистоЗаСите“ – напиша Богоев.
? Почнува вонредна дезинфекција на згради, со над 8 домаќинства во Карпош.
Се дезинфицираат делови од згради, гелендери, сандачиња и лифтови.
‼️ Вонредната дезинфекција на зградите не подразбира одложување/прекин на др.активности за поголема хигиена во влезовите. #ЧистоЗаСите pic.twitter.com/hPbS2Pbpye— Стефан Богоев (@stefanbogoev) March 24, 2020
