Лидерот на СДСМ Зоран Заев, на Самитот на ПЕС што се организира онлајн во услови на пандемија, се заблагодари на поддршката што ЕУ ѝ ја овозможува на нашата земја и ја истакна потребата од солидарност и практична демонстрација на социјалдемократските вредности.
„ЕУ е најголемиот партнер на Северна Македонија и Западен Балкан. На самитот на ПЕС – Party of European Socialists, кој се организира во услови на планетарна криза уште повеќе се истакна потребата од солидарност и практична демонстрација на социјалдемократските вредности.
Се заблагодарив за поддршката која ЕУ ѝ ја овозможува на нашата земја и на земјите од Западен Балкан. Финансиските пакети, но пред сѐ и отворањето на сите ЕУ механизми инструменти, претставуваат начин на кој ЕУ ја покажува солидарноста не само со своите земји членки, туку и со оние кои претендираат да бидат рамноправен дел од европското семејство.“, напиша Заев на Фејсбук.
