Во ПОСЛЕДНИТЕ 24 часа направени се 771 тестирања, а регистрирани 62 нови случаи на ковид-19. Денеска Институтот за јавно здравје регистрира 17 оздравени пациенти.
По КООРДИНАТИВНИОТ состанок со регионалниот изборен штаб во Куманово, техничкиот премиер Оливер Спасовски, заедно со ко-носителката на изборната листа во ИЕ2, Сања Лукаревска, дадоа изјава за медиумите.
ДИРЕКТОРОТ на Бирото за јавна безбедност, Сашо Тасевски: Началниците назначени од Чулев се срамат од своите постапки и се борат со нивниот професионализам од една страна и партискиот притисок од Чулев од друга страна.
ПОТПРЕТСЕДАТЕЛОТ на СДСМ, Мухамед Зеќири, во пост на Фејсбук соопшти дека и покрај сите преземени мерки на претпазливост, тој, неговата сопруга Бисера и нивната три месечна ќерка се позитивни на Ковид-19.
ФРОНТ: Џабир Дерала: Зошто Мицкоски е на иста линија со инфодемијата? Со продолжување на вонредната состојба, се продолжува и политичкиот живот на Мицкоски.
Непрекинато, поточно опседнато, го повторува името на Зоран Заев. Со леснотија обвинува, употребувајќи ги зборовите диктат, партизираност, фамилија, корупција, криминал – состојби познати од времето на режимот… Зошто?
Tе ЗЕМААТ во болница, ти викаат поздрави се со сопругата, ќе се слушнеш можеби за некој час, ова се првите спомени на Борче Двојаковски, Македонец кој за сега живее во Белгија, и пред два месеца се зарази со Ковид-19, за неговата триесетдневна голгота низ бриселските болници. Своето искуство Двојаковски го раскажа за новинар на МИА.
МИНИСТЕРКАТА за финансии, Нина Ангеловска: Даночните приходи во мај бележат помал пад од проектираниот што покажува дека го имаме одбрано најсоодветното портфолио согласно анализите и проценките на ситуацијата со ковид-кризата која предизвика рецисија и во најсовремените економии.
Ангеловска соопшти и дека следната недела, банките ќе почнат да ги издаваат картичките „Купувам домашно“, а средствата ќе им бидат исплатени директно од Буџетот, преку владината КОВИД програма.
МИНИСТЕРОТ за транспорт и врски, Горан Сугарески: Исправање на тешки, кардинални грешки во проектирање кои ги стекнавме во наследство од режимот, ставање на работите на свое место и реализација на историски најголемата инвестиција во инфраструктурата. Многу тони нов асфалт, неколку стотици изградени километри канализации и водоводи, нови авиолинии, гасовод до општините, поддршка на локалната самоуправа, транспарентност, достапност и сервис за граѓаните!
МИНИСТЕРКАТА за одбрана, Радмила Шекеринска, при посетата во Битола се сретна со граѓани и ја поздрави нивната одговорност за почитувањето на мерките против ширење на вирусот Ковид-19. Таа охрабри дека со така одговорно однесување може да се гласа на избори на 5 јули со што би се обезбедиле функционални институции.
ПРАВО да легитимира има само полицијата, поради што во четвртокот е испратено писмо до Комисијата за заразни болести, уште еднаш да се разгледа ваквиот услов што им е наметнат на угостителите, соопшти денеска министерот за економија, Крешник Бектеши.
ПОГОЛЕМИТЕ собирања и забави се причина за ширење на коронавирусот во Шпанија, која се обидува да се врати во нормала после неколкумесечниот карантин поради епидемијата.
А. Н. Стојчевски