По објавениот пост на Фејсбук кај Игор Здравковски од ВМРО-ДПМНЕ, со тврдења дека во општинската зграда во Велес се одржувале состаноци по завршување на работното време, но и дека на еден од состаноците присуствувала и Сања Лукаревска од СДСМ, која денес потврди дека е позитивна на Ковид-19, СДСМ Велес ги демантира обвинувањата.
Во реакцијата, СДСМ ги негира обвинувањата и најостро ги осудува обидите на Здравковски и неговата партија за ширење лажни информации со цел манипулирање на јавноста.
Игор Здравковски во објавениот пост ЛАЖЕ дека на ден 27.5.2020 во зградата на општинската администрација се одржал состанок на кој присуствувала Сања Лукаревска, директор на УЈП.
Тврдењето на Игор Здравковски дека се доведува здравјето на вработените во општинската администрација е обична ЛАГА и неуспешен обид за ШИРЕЊЕ ПАНИКА меѓу граѓаните на Велес.
СДСМ одговорно тврди дека се почитуваат сите законски мерки кои се донесени од страна на Владата. За жал тоа не може да се каже за голем дел на некои функционери од опозицискиот табор, судејќи по некои неодамнешни објави на слики на социјалните медиуми.
Ова е уште една потврда за манипулациите и ширењето лажни информации од страна на ВМРО ДПМНЕ кои на еден ваков нечесен и бесрамен начин се обидуваат да манипулираат со јавноста.
Бараме јавно извинување за објавената лажна вест од страна на Игор Здравковски во најкус можен рок во истиот формат и на истиот социјален медиум , во спротивно ќе ја разгледаме можноста од преземање на сите правни механизми вклучувајќи и поднесување на тужба за клевета и навреда, пишува во демантот на Фејсбук профилот на СДСМ Велес.
