На 11.10.2020 во 12.30 часот во с.Трубарево, скопско, се случила сообраќајна незгода во која учествувале патничко возило „бмв“, со скопски регистарски ознаки, управувано од Д.Д.(72) од Скопје, малолетен пешак од с.Трубарево и мотор „баутијан“, управуван од И.Ќ.(40) од с.Долно Лисиче, скопско, кој починал на местото на незгодата, известуваат од МВР.
Оттаму посочуваат дека Д.Д. и малолетниот пешак се пренесени во Комплекс клиники „Мајка Тереза“, каде кај малолетниот пешак биле констатирани тешки телесни повреди, а кај Д.Д. телесна повреда.
Увид на местото на незгодата извршила увидна екипа на СВР Скопје, а по наредба на Јавен обвинител
телото на починатиот мотоциклист ќе биде предадено за обдукција, соопштуваат од МВР.
