Еврокомесарот за добрососдество и проширување Оливер Вархеји е премногу мек кон Софија во однос на блокадата на Северна Македонија, пишува „Политико“ во својата анализа за работата на комесарите во изминатава година.
Засега нема знаци од Софија за повлекување на ветото, Скопје ќе бара решение до последен момент. Амбасадорите на ЕУ вчера повторно не успеаја да постигнат договор за заклучоците за отворање на преговорите со С Македонија. Бугарија и натаму инсистира нејзините барања поврзани со историјата да бидат вклучени во текстот, што е неприфатливо за другите земји членки на ЕУ.
Состојбата со Ковид-19 под контрола, здравствениот систем се подготовува за вакцинација. Вакцинирањето, како што најави министерот за здравство Венко Филипче, ќе го спроведат лекари и медицински сестри кои не работат со ковид пациенти
Посветуваме внимание на зајакнување на постоечките капацитети за производство на електрична енергија, но и на инсталирање нови капацитети, пред се еколошки здрави. Затоа и ЕУ позитивно нè оценува, изјави директорот на ЕСМ, Васко Ковачевски, во „Утрински брифинг“.
Иницијатива на вицепремиерот Битиќи – Прв состанок на платформата „За татковината со љубов“. Битиќи посочил дека идејата на платформата е да се соберат најдобрите економски умови и преку заеднички влог да се креира иднината на земјата.
Премиерот Заев по повод Меѓународниот ден на лицата со попреченост истакна дека е горд за силното темпо и огромните чекори кои се направени во претходниот мандат и за одржувањето на континуитетот во спроведувањето на најдобрите светски практики за поддршка и вклучување на лицата со попреченост во сите области
На автопатот Миладиновци-Штип, опожарено тешко товарно возило.
Српската Влада денеска треба да усвои нови мерки за спречување на ширењето на Ковид-19, предложени од Кризниот штаб, а една од нив ќе биде угостителските објекти и оние кои имаа услужни дејности, ќе можат да работат само до 17 часот во работни денови, а за време на викенд ќе бидат затворени.
Русија денеска регистрира 28.145 нови случаи на коронавирусот, што е најголем дневен број од почетокот на пандемијата, со што вкупниот број на пациенти достигна 2.375.546.
Германската канцеларка Ангела Меркел и лидерите на федералните држави одлучија до јануари да ги продолжат ограничувањата воведени поради пандемијата на Ковид-19. Во Германија во моментов во сила е забрана за работа на ресторани, кафулиња и спортски сали, како и ограничувања на личните контакти.
Фудбалерот на Челзи, Оливие Жиру постигна четири гола на натпреварот од групната фаза во Лигата на шампионите против Севилја. Тој е првиот автор на покер за „сините“ од Лондон во последните 10 години. Воедно, Французинот со 34 години и 63 дена, стана најстариот творец на „покер“ во историјата на елитното фудбалско натпреварување.
Ј. Ѓ.
