Словенечкиот премиер Јанез Јанша денеска изјави дека ќе биде исклучително тешко да се влезе во Словенија за време на празниците, како и во многу други земји членки на Европската унија.
„Не ја минувајте границата,“ порача Јанша на Твитер, истовремено објавувајќи ги извештаите од медиумите за застој во сообраќајот, што од вчера е предизивикан на граничните премини со Хрватска со огромните колони возила.
Словенечка СТА наведува дека денеска нема извештаи за застој во сообраќајот, за разлика од вчера кога проблеми имаше на речиси сите гранични премини со Хрватска, каде патниците, главно од Италија, Швајцарија и Германија, до девет часа чекаа за влез во Хрватска.
СТА забележува дека сите соседи на Словенија се уште се на црвената листа, што значи дека никој од нив не може да влезе во Словенија без да оди во карантин или да покаже негативен ПЦР тест за коронавирус.
