Битола – Прилеп е често споменуван пат. Најавувам дека таму ќе имаме автопат, но изграден според меѓународни правила и стандарди, таму очекувам забрзани постапки, тоа би бил првиот автопат кој според планот ќе се изгради следната година, најави министерот Бочварски во гостувањето на ТВ Сител.
Инвестираме 100 милиони евра во патиштата на Истокот, се поврзуваме со соседите. Патот Градско- Прилеп е започнат одамна, имаше многу проблеми, но со задоволство најавувам дека, на правата делница, сите проблеми се надминати, работата ја презеде друга компанија и од пролет таму ќе има градежни активности , вели Бочварски
Во близина на мостот на автопатот Велес – Катланово, во водите на реката Пчиња, бил пронајден починат С.П.(73) од Катланово. Седумдесет и тригодишниот маж бил пријавен дека се оддалечил од дома на 20 јануари 2021.
Полициски службеници од Полициското одделение Галате, во содејство со Државниот пазарен инспекторат, на 18.01.2021 во 23.00 часот, затвориле угостителски објект во кој биле седум лица-гости и сопственикот, по законски утврдениот временски рок за работно време.
Глобален пресврт во продажбата на електрични автомобили во светот може да се очекува наскоро, заедно со падот на цените на батериите за овие возила. Во 2020 година продажбата на електрични возила на меѓународно ниво се зголемила за 43 отсто, пишува „Гардијан“.
Од денеска престана да важи Уредбата со законска сила за примена на Законот за акцизите за време на вонредна состојба, со што повторно стапи во сила Законот за акцизи. Тоа придонесе Регулаторната комисија за енергетика и водни услуги (РКЕ) да ги намали малопродажните цени на горивата.
Почина Лари Кинг, долгогодишниот ток-шоу водител на Си-Ен-Ен, кој стана икона преку своите интервјуа со безброј политичари, и познати јавни личности, известуваат од Си-Ен-Ен. Лари имаше 87 години.
Речиси 50 проценти од земјоделците од кумановско кои аплицирале преку програмата за рурален развој добија решенија за одобрување на трактори од Програмата за рурален развој, информираа денеска надлежните од Агенција за поттикнување на развојот на земјоделството, регион североисток Куманово.
Со оглед на тоа дека бројот на заразени од Ковид-19 е намален, од 1 февруари 2021 година се планира да се врати принципот на работа и работниот процес на државната и јавна администрација во полн состав со полно работно време на работните места, информираат од Владата.
Ј. Ѓ.
