Стратешките определби за Ромите во Република Северна Македонија се и државни цели. Ромите во нашата земја имаат потенцијал да го предводат прашањето на сопствена интеграција и да бидат пример за останатите во регионот. Имаме политичко претставување на Ромите во сите сфери на општеството, порача Премиерот Заев по повод Одбележување на 8 Април Светскиот ден на Ромите и 50 години јубилеј од одржувањето на првиот Ромски конгрес.
Ќе кажам само дека еден од приведените е во тесна врска со Мицкоски и имал постојани контакти со него, откри министерот за внатрешни работи, Оливер Спасовски, зборувајќи за саботажата на акцијата „Двојник“ од страна на ВМРО ДПМНЕ. Јас ова го изнесувам според сознанијата и индициите, тие се во контакт и дел од документите во нивната партија се преку приведените лица. Акцијата беше планирана да се реализира за неколку дена, после спремање на сите активности.
Пропаднаа обидите на Мицкоски и ВМРО-ДПМНЕ за саботажа на голема полициска акција, одново не го одбранија криминалот, велат од СДСМ. Оттаму нагласуваат дека Христијан Мицкоски вчера по којзнае кој пат јавно застана на браникот на криминалот, на спротивната страна од полицијата и законите.
Синдикатот на работниците од угостителството и туризмот (СУТКОЗ) при Сојузот на синдикати на Македонија реагира на информациите дека најголем дел од угостителите ги одјавиле работниците. Од Синдикатот апелираат до работниците да не потпишуваат какви било бланко документи за откажување на нивните договори за вработување.
Човечкиот живот нема цена, а кога станува збор за спасување на човечки живот, секој треба да го даде максимумот, а не да се оградува од одговорност, напиша Николовски за веста за повредениот овчар од Кратово. Посочува дека во вакви случаи не постои фразата „не сме надлежни“, сите сме надлежни кога е во прашање човечки живот, како што вели тој.
Главниот повод на посетата на Турција е размена на искуство во делот на едукацијата на кадрите во правосудството и дигитализацијата на судскиот систем, рече министерот за правда Бојан Маричиќ. Искуствата на Турција за дигитализација на судството за нас се од големо значење, додаде тој.
Од денеска до 20 април ќе бидат затворени сите угостителски објекти низ државата, како и рестораните и кафитериите во хотелите, мотели, хостели, пансиони и други објекти за сместување. Оваа одлука ја донесе Владата, со цел превенција и заштита на граѓаните од Ковид-19.
Светската здравствена организација и нејзините сестрински агенции од системот на Обединетите нации по повод 7 април, Светски ден на здравјето, ги повикуваат сите лидери и меѓународни партнери да се водат од начелата на инклузивност и правичност при правењето планови за одговор на Ковид-19 и за закрепнување од последиците од пандемијата, со цел да се изгради поправичен и поздрав свет за сите.
М. Миткоска
