Полицијата во текот на вчерашниот ден санкционираше 319 возачи во рамки на засилените акциски контроли во областа на сообраќајот.
Како што соопшти денеска МВР, од нив, за возење со поголема брзина од дозволената се казнети 83 возачи санкции, 20 за вградени неатестирани фолии (затемнети стакла), а казнети се и 18 возачи на мотоцикли.
-Изречени се 18 санкции за технички неисправни и нерегистрирани возила, 12 за возење под дејство на алкохол, 19 за користење мобилен телефон, 13 за некористење сигурносен појас, 10 за минување на затворен сигнал (црвено светло), 61 санкција за непрописно паркирање, се вели во соопштението од МВР.
Оттаму најавуваат дека засилените акциски сообраќајни контроли продолжуваат и апелираат до граѓаните да ги почитуваат сообраќајните правила.
извор: MИА
