Аполо 11 беше вселенскиот лет кој за прв пат спушти луѓе на Месечината. Тоа се случи на денешен ден – 16 јули, 1969 година. Командантот Нил Армстронг и пилотот на месечевиот модул Баз Олдрин го формираа американскиот екипаж кој го спушти лунарниот модул „Eagle“ на површината од Месечината на 20 јули 1969.
Армстронг стана првиот човек што стапна на површината на Месечината шест часа и 39 минути откако слета модулот, а Олдрин му се придружи 19 минути подоцна. Тие поминаа околу два часа и петнаесет минути заедно надвор од леталото и собраа 21,5 кг месечев материјал за да го однесат на Земјата.
Пилотот на командниот модул Мајкл Колинс пак, со командниот модул Колумбија беше во орбитата на Месечината додека тие беа на површината. Армстронг и Олдрин поминаа 21 час и 36 минути на површината на Месечината, на местото Tranquility Base, пред да се кренат за повторно да се приклучат на Колумбија во месечевата орбита.
Аполо 11 беше лансиран со ракета Сатурн V од вселенскиот центар Кенеди на островот Мерит, Флорида, на 16 јули во 13:32 часот по полноќ, и тоа беше петтата мисија со екипаж на програмата Аполо на НАСА. Вселенското летало „Аполо“ имаше три дела: команден модул со кабина за тројцата астронаути, единствениот дел што се врати на Земјата; сервисен модул, кој го поддржуваше командниот модул со погон, електрична енергија, кислород и вода; и лунарен модул кој имаше две фази – фаза на спуштање за слетување на Месечината и фаза на искачување за да ги врати астронаутите назад во орбитата на Месечината.
Откако биле испратени на Месечината од третата фаза на Сатурн V, астронаутите го одделиле леталото од него и патувале три дена додека не влегле во орбитата на Месечината. Амстронг и Олдрин потоа се преселија во лунарниот модул „Eagle“ и слетаа на Месечината.
Астронаутите ја користеа фазата на искачување на лунарниот модул за да се издигнат од месечевата површина и повторно да се приклучат на Колинс во командниот модул. Тие се вратија на Земјата и успешно паднаа во водите на Тихиот океан на 24 јули по повеќе од осум дена поминати во вселената.
Првиот чекор на Армстронг на површината на Месечината беше емитуван на ТВ во живо, низ целиот свет Тој го опиша настанот како „еден мал чекор за човекот, еден огромен скок за човештвото“.
Аполо 11 ефикасно ја докажа победата на САД во Вселенската трка за да демонстрира супериорност во вселенската програма, исполнувајќи ја националната цел предложена во 1961 година од претседателот Џон Ф. Кенеди, „пред да заврши оваа деценија, да слета човек на Месечината и да го врати безбедно на Земјата“.
Користени извор: NASA, BBC, Википедија
подготвил. Ј. Ѓорѓиоски
