Градоначалникот Шилегов презентираше дел од инфраструктурните проекти за наредните 4 години што ќе бидат од суштинско значење за целосно решавање на проблемот со метежот во градскиот сообраќај. Арсовска вети 250 нови еколошки автобуси. Добар градоначалник е оној кој што му служи на народот, велат од СДСМ. Мисајловски не сака да го прифати фактот дека СДСМ за четири години направи повеќе за Ѓорче Петров, отколку ВМРО-ДПМНЕ за дванаесет.
ПОЛИТИКА, ПОПИС И ИЗБОРИ
Се додека доаѓа претседателката на Европската комисија, Урсула фон дер Лајен и вели дека поддршката за проширување на ЕУ со земјите од Западен Балкан е недвосмислена, ние само треба да продолжиме да работиме, да се покажеме и докажеме и да ги убедиме дека заслужуваме да бидеме дел од Унијата, изјави министерот за надворешни работи Бујар Османи.
На вчерашната владина седница не се разговараше за продолжување на пописот. Последниот збор околу продолжувањето ќе го има Државниот завод за статистика, рече денеска портпаролот на Владата, Душко Арсовски.
Владо Мисајловски десната рака на Миле Јанакиески, кој метар асфалт не стави постави во Ѓорче Петров додека беше министер за транспорт и врски, очигледно како да не живее во оваа општина. „На само 20 метри од местото каде денеска ширеше лажни вести, Мисајловски можеше да го види новото урбано јадро, Корзото во Ѓорче Петров, место што беше руина додека ВМРО-ДПМНЕ ја водеше општината, реагираат од СДСМ.
Во Центарот на градот ја градиме најголемата пешачка зона во Европа која ќе се протега од Собрание до Палома Бјанка и од Стара Железничка до Бит пазар, истакна Шилегов, додавајќи и други инфраструктурни проекти.
Обезбедување на 250 нови еколошки автобуси и бесплатен јавен превоз како решение на повеќе проблеми на Скопје, како средување на сообраќајниот хаос, намалување на загадувањето и подостапен јавен превоз за граѓаните, е еден од клучните проекти на независниот кандидат за градоначалник на град Скопје, Данела Арсовска.
Ова денешно ветување на Арсовска, Шилегов го оцена како утопија. Ако вчера вети бесплатен превоз на кој цело Скопје се смее, денес ова го надополни со нова уште поголема лага, ветување за 250 нови автобуси, вели тој.
Комуникацијата со граѓаните и решавањето на проблемите на граѓаните во општините ширум државата остануваат еден од главните приоритети на СДСМ. Најдобриот градоначалник му служи на народот и одлучува заедно со него, тоа е најдоброто за секоја општина, велат од СДСМ.
ЛАЖНИ ВЕСТИ
Незадоволен од резултатите од анкетата на агенцијата Брима, во која тој и неговата ВМРО-ДПМНЕ заостануваат во рејтингот зад СДСМ и нејзиниот лидер Зоран Заев, опозиционерот Христијан Мицковски обвини дека тие се лажни. ЦИВИЛ и рубриката „Кратки нозе“ ги презентираше демантите од сите обвинети страни, од кои се гледа дека нарачател на анкетата е Слободен печат, а не Владата, како и тоа дека Брима е истата Брима која со години спроведува анкети во земјава.
ПАНДЕМИЈА
Денес се регистрирани 454 нови лабораториски позитивни случаи. Регистрирани сe 308 оздравени пациенти, а починати се 9 лица.
СВЕТ
Германската канцеларка Ангела Меркел денеска му честиташе на кандидатот за канцелар на СПД, Олаф Шолц, за победата на последните парламентарни избори во Германија.
М. М.
