Кандидатката за градоначалник на град Скопје, Данела Арсовска, постојано повторува дека таа е нападната како жена, но никако да објасни дали има или нема бугарско државјанство иако личната карта за која објавија од СДСМ е валидна и регистрирана во Петрич, округ на Благоевград во Бугарија.
Кога некоја жена тврди дека е нападната заради тоа што е жена тогаш нападите или насилството врз неа мора да се врз родова дискриминација, а не затоа што ја напаѓаат оти ја лаже јавноста за бугарската определба. Но, Арсовска е позната по тоа дека наместо да одговори, таа напаѓа во одговорите и мисли дека така ќе се извлече од скандалот.
Но, скандалот со бугарската лична карта продолжува со фотографиите на кои се гледа дека таа кампањата ја води со членови од бугарофилското здружение „Тодор Александров“.
Тоа е наводно патриотско здружение, а всушност е бугарска инсталација во државава, приврзаници на Красимир Каракачанов. И така стигнуваме до логичното прашање дали Каракачанов влијаел кај бугарските власти со указ да и се додели државјанство и лична карта на Арсовска?
Значи, Арсовска ја обезбедуваат и пропагандниот материјал и го делат на гражаните лица од „Тодор Александров“, кои пак се соработници на Каракачанов, кој пак беше посочен како дел од криминална група која издавала пасоши на македонски граѓани за одредена сума пари.
Триаголникот е сега јасен. Еден од членовите на „Тодор Александров“ е фотографиран како носи предизборен материјал додека Арсовска оди од врата до врата и разговара со граѓаните.
Многу неодговорени прашања и се насобраа на Арсовска. Ќе одговори ли сега што прави во друштво на познатото бугарофилско здружение „Тодор Александров“ или пак повторно ќе ги понижи македонските граѓани, а пред се скопјани, дека и ова е манипулација и лага затоа што таа била жена.
ВМРО-ДПМНЕ, чиј кандидат е токму Арсовска, никогаш не се дистанцираше од „патриотско“ здружение „Тодор Александров“ и јавно не ги осуди сите акти со кои се промовираат фашистички симболи и идеи, а досега се познати и по бројни скандали за време на прославата на Илинден, како и за време на немирите на 27 Април.
Значи Арсовска ја обезбедуваат лица кои сакаа да линчуваат пратеници во парлементот. Толку од независноста на Арсовска, тврдеше дека оди самостојно па прифати ВМРО ДПМНЕ да и ја финансира кампањата, тврдеше дека нема дамка во кариерата ама шета со обезбедувачи од „Тодор Александров“, исто како што сега тврди дека не е Даниела, туку е Данела, но фотографијата од личната карта ја издава дека е токму она.
Д. Е.
