Со ултиматуми не се бара оставка, пишува Ерол Ризаов за Дојче веле, Груевски има јубилеј, три години во бегство. Во Обвинителството, истрагата за бегството на Груевски е сѐ уште отворена. Се чека тој да се врати во земјава – ако наскоро не се пресели во Истанбул, на пример – за лично да ја затвори, пишува Сашо Орданоски. ИО и ЦО на СДСМ вечерва ќе расправаат за актуелностите.
ПОЛИТИКА
Тешките задачи пред Зоран Заев. Во политиката, Заев покажа ретка способност да ја сослуша другата страна, да влезе во чевлите на противникот. Тој им прости и на оние што сакаа да го убијат на 27 април 2017 година. Од него сега се очекува да ги разбере и оние што не му ја прифаќаат оставката. Бројни македонски и европски политичари и лидери јавно го повикуваат да продолжи со својата работа. Треба да ги сослуша. На крајот на краиштата, не го бараат за да му сервираат лесен и вкусен оброк, туку тешки задачи, пишува Џабир Дерала.
Три години од бегството на Груевски…Во Обвинителството, истрагата за бегството на Груевски е сѐ уште отворена. Се чека тој да се врати во земјава – ако наскоро не се пресели во Истанбул, на пример – за лично да ја затвори. Овдешните магариња – и-ааа, и-ааа, и-ааа, ова е мојата магарешка ономатопеа – се на пат да пцовисаат до таа зелена трева, пишува Сашо Орданоски.
Ризаов за ДВ – Со ултиматуми не се бара оставка. Дали ветената оставка на премиерот Заев станува беспредметна по поднесеното барање на опозицијата за изгласување (не)доверба на владата? Што ако тој ја повлече оставката и мнозинството изгласа доверба?- пишува Ерол Ризаов.
Хронологија на едно „скафандер“ лицемерие. Не помина многу време а Мицевски се најде во иста ситуација. Тој и неговата сопартијка и пратеничка од ВМРО-ДПМНЕ Ангелинка Петкова се позитивни на ковид-19, а најавија дека ќе гласаат за (не)доверба на владата, со скафадери. Мицевски се повика на протоколот кој беше донесен од ЦЈЗ, а применет во Собранието.
АХА !
– Со скафандериве шо ќе праиме. Со скафандериве шо ќе праам, аааааа…?! Голема ѓурултија се случувало во партиската канцеларија на Левица. Димче Апасиев, како што јавуваат за АХА партиски извори, имал една од многуте епизоди со самиот себе. – Како само сам се зајебо. Се слушаш ли некогаш што зборуваш бе?!, си се карал Димче со својот одраз во огледалото.
ПАНДЕМИЈА
Во Институтот за белодборни заболувања кај децата – Козле се хоспитализирани 21 дете заболено од Ковид-19. Сите деца се во добра општа состојба. Ова за МИА го изјави директорот на таа јавна здравствена установа, Бесник Зеќири. Тој посочи дека хоспитализираните деца се на возраст од два месеци до 16 години.
Владата на САД денеска најави нови 2,7 милиони долари помош за земјата за борба против Ковид-19, преку УСАИД, кои ќе се надоврзат на неодамнешната донација во опрема и потрошни материјали во вредност од 400 илјади долари наменета за Северна Македонија за истата цел. Со ова, од почетокот на пандемијата, вкупната помош од САД за Северна Македонија за справување со Ковид-19 надминува 9,2 милиони долари, информора УСАИД.
ПОЕЗИЈА
Влада Урошевиќ е македонски поет, раскажувач, романописец, книжевен и ликовен критичар, есеист, антологичар и преведувач. Роден е 1934 година во Скопје. Докторирал на Филолошкиот факултет „Блаже Конески“.
