Американската корпорација Епл денеска поднесе тужба против производителот на шпионски софтвер НСО поради таргетирање на корисниците на неговите уреди, оценувајќи дека израелската компанија, која е во центарот на скандалот Пегасус, треба да одговара.
Тужбата на Епл додава нови проблеми за НСО, која е вмешана во контроверзии поради извештаите дека десетици илјади активисти, новинари и политичари се наведени како потенцијални цели на нејзиниот шпионски софтвер Пегасус.
Пред само неколку недели, американските власти ги ограничија односите меѓу НСО и американските групи поради обвиненијата дека израелската компанија „им овозможила на странски влади да вршат транснационална репресија“.
– За да се спречи натамошна злоупотреба и штета на своите корисници, Епл исто така бара трајна судска забрана за НСО Груп да користи кој било софтвер, услуги или уреди на Епл. НСО Груп создава напредна технологија за надгледување спонзорирана од државата, која му овозможува на нејзиниот шпионски софтвер со висока цел да ги набљудува своите жртви, се наведува во соопштението на американската компанија.
извор: МИА
