– Започнавме многу важни процеси откако сум министер за правда, кои, сигурен сум, еднакво успешно и подобро ќе ги спроведе наредниот министер професорот Тупанчевски, одговори на денешната прес-конференција министерот за правда Бојан Маричиќ, на прашањата од Фронтлајн – Кои важни проекти кои ги започнавте ги оставате на Вашиот наследнк? До каде се процесите за реформи во правосудството и на изборниот систем?
Маричиќ наброи многу процеси кои се спроведени од Министерството додека е тој министер и додаде дека не може сè да се смени за 16 месеци.
„Мислам дека во изминатите 16 месеци започнавме многу важни процеси кои сигурен сум еднакво успешно и подобро ќе ги спроведе наредниот министер професорот Тупанчевски“, изјави Маричиќ
Министерот Маричиќ истакна дека прво и основно после 20 години државата спроведе попис, а воедно е донесен и Законот за попис во надлежност на Министерството за правда кој е успешно спроведен од страна на Државниот завод за статистика.
„За прв пат се усвоени методологиите и на судиите и на обвинителите и тие се применуваат во избор и разрешување на судиите и на обвинителите“, истакна Маричиќ
„Имавме голема активност на Судскиот совет врз основа на овие методологии и на претходно донесените закони. Имаме повеќе разрешувања на судии 16 коишто покажуваат зголемена активност и зголемен број на постапки за испитување на дисциплинска одговорност бидејќи не е единствен инструмент разрешувањето“, истакна Маричиќ.
„Поднесовме голем број на законски проекти кои што се однесуваат и на измена на Кривичниот законик за зајакнување на заштитата на новинарите и имплементација на Истанбулската Конвенција, Законот за парнична постапка исто така е во закопнска процедура имаме добро исполнување на стратегијата за реформи во судството која што треба да крајот на оваа година да заврши и наредната да биде подготвена и да започне да се спроведува“, одговори Маричиќ.
Исто така Маричиќ истакна дека започнат е процесот на дигитализација на судовите и има процес на опремување на сите судници, повеќе од 130 низ целата држава.
Започнат е процесот на дигитализација на судовите првата опрема е пристигната и има процес на опремување на сите судници, повеќе од 130 судници низ цела држава и Законот за медијација е дел од тоа, намалување на судските такси, Иземена на Законот за бесплатна правна помош и негово подобрување, серија мерки за подобрување на пристапот кон правдата од страна на граѓаните“, рече Маричиќ
„Секако има уште многу работи што сме ги направиле и има многу работи кои што сме можеле да ги направиме меѓутоа во 16 месеци мислам дека е напрвено многу. Секако дека има нешто што сме пропуштиле, а ќе остане за до крајот на мандатот да го доврши наредниот министер во состав на целата Влада“, одговори Маричиќ
Одговорот на прашањето на Фронтлајн, поставено на денешната прес конференција, беше пренесено и од државната агенција МИА.
Мартина Ацковска