Немаме право да игнорираме за што се раговара на Руската државна телевизја деновиве. Според ова, за жал, постои голема можност работите да станат многу полоши, напиша на Твитер, Карл Билт, шведскиот политичар и дипломат.
Видеото од дебата која се прикажувала на Руската државна телевизија Россија 1, на својот Твитер профил го објави Марија Авдеева, истражувачка и аналитичарка од непартиската и непрофитна тинк- тенк организација, Европска експертска асоцијација (European Expert Association).
„Кога велам дека Путин нема да запре со Украина, го мислам токму тоа. Во емисијата на Државната руска телевизија, во ударниот термин, се зборува за можен нуклеарен напад врз Европа, руска инвазија на Полска и Литванија и коридор до Калининград. Се зборува и за закани кон Германија и Балтичките земји. Дејствувате веднаш, сопрете ја Русија“, напиша Авдеева ви објавата.
When I say that Putin will not stop in Ukraine, I mean exactly that. State Russian TV show in prime time discusses possible nuclear strike on Europe, Russian invasion of Poland and Lithuania and corridor to Kaliningrad, threatens Germany and Baltic states. Act now #StopRussia. pic.twitter.com/yq1CtZP2WS
— Maria Avdeeva (@maria_avdv) March 22, 2022
„На Европа треба едноставно да и кажеме дека ја чека нуклеарен напад доколку НАТО се обиде да креира некаков контингент за зачувување на мирот, или ако се одлучи да се релоцира некаде ….Е тоа ќе биде нуклеарна војна….Храбри Полјаци, нема да остане ништо од вашата Варшава за 30 секунди. Истото важи за храбрите Германци, Естонци, Балтичките земји…Што се однесува до храбрите луѓе од Балтичките земји, знам дека таму има сериозен проблем на границата со Калининград. Можеби е најрелевнтно да се обезбеди коридор до Калининград. Зошто да не?…Мислам дека земјите кои ние ги нарекуваме „Полска“ и „Литванија“ се донесуваат многу храбро. Премногу храбро. Мислам дека не се ни свесни дека можеме со нив да се справиме многу полесно отколку со Украина“, вели еден од соговорниците во дебатата на Руската државна телевизија Россија 1, кој најотворено се заканува и ги кажува своите експанзионистички замисли.
И. З.