Украинската армија соопшти дека повторно презела контрола врз градот Припјат и врз дел од граничната област помеѓу Украина и Белорусија, пренесува МИА.
Припјат е напуштен град по нуклеарната катастрофа во Чернобил во 1986 година.
Руските сили ја презедоа контролата врз централата во Чернобил на почетокот на инвазијата, но оваа недела се повлекоа и официјално ја вратија контролата врз локацијата на украинскиот персонал.
Украинската државна енергетска компанија „Енергоатом“ соопшти дека руските војници брзо се повлекле бидејќи страдале од радијациска болест поради копање ровови во контаминирана почва.
