Вицепремиерката задолжена за политики за добро владеење Славица Грковска денеска имаше средба со Сања Бојаниќ, заменичка на постојаниот претставник на Програмата за развој на Обединетите нации (УНДП) во Република Северна Македонија.
На средбата стана збор за соработката со УНДП и нивната експертиза во областа на дигитализацијата и спроведување идни заеднички активности, информира Кабинетот на вицепремиерката.
Како што се наведува во соопштението, Грковска се заблагодари за помошта и поддршката што УНДП во континуитет ѝ ја дава на Северна Македонија. Нагласи дека од големо значење се советите и препораките на експертите и нивните искуства во делот на дигитализација на јавните услуги, но и во креирањето политики кои ќе понудат долгорочни и одржливи системски решенија.
Бојаниќ, пак, изразила подготвеност соработката да продолжи во сите приоритетни области.На средбата било разговарано и за севкупните активности на УНДП во нашата држава во повеќе области, дигитализација на услугите на општинско ниво, вклученоста на младите, родова избалансираност, но и дигитализација на процесите за работа во државни институции кои се реализираат со поддршка на Програмата за развој на Обединетите Нации.
