Ова што деновиве се случува е веќе видено и е дел од црните сценарија на оние кои не ѝ мислат добро на земјата при што ова го користат единствено како гола борба за власт и обид да се спасат од одговорност за криминал, истакна за ФРОНТЛАЈН Жаклина Лазаревска, пратеничка на СДСМ.
Мојот телефон е јавно објавен и од вчера добивам пораки со содржина недостојна за коментар. Пратениците како претставници на граѓаните сме отворени за комуникација со граѓаните и нашите телефонски броеви секако се јавни и достапни на сите граѓани, изјави Лазаревска.
Ова што деновиве се случува е веќе видено и е дел од црните сценарија на оние кои не и мислат добро на земјата при што ова го користат единствено како гола борба за власт и обид да се спасат од одговорност за криминал, рече Лазаревска.
Пратеничката Лазаревска истакна дека заклучоците што ќе ги предложат и усвојат во Собранието гарантираат продолжување на европскиот пат со признавање на македонскиот јазик и безусловно почитување на идентитетските, историските и културните особености на македонскиот народ сега и секогаш во иднината.
Не сум консултирала адвокат/правно лице бидејќи сум уверена дека деновиве работите ќе се разјаснат и граѓаните нема да подлегнат на шпекулациите и лагите, затоа што заклучоците што ќе ги предложиме и усвоиме во Собранието гарантираат продолжување на европскиот пат со признавање на македонскиот јазик и безусловно почитување на идентитетските, историските и културните особености на македонскиот народ сега и секогаш во иднината, изјави за Фронтлајн, Лазаревска.
Во пресрет на утрешната пленарна седница во Собранието на која ќе биде разгледуван „Францускиот предлог“, на социјалната мрежа Твитер се појави слика со телефонските броеви на сите пратеници од редовите на СДСМ и од нивната коалиција.
Насловот на сликата: „Порачајте им да не го предаваат народот“, сугерира дека треба да се ѕвони на нивните броеви и лично да им се изврши притисок да гласаат против заклучоци со кои се отвори можност Владата да го прифати „Францускиот предлог“.
