Украинската амбасадорка Лариса Дир, реагира на најновите руските напади во Кијив и други Украински градови. Таа преку социјалните мрежи повикува на Украина да и се даде повеќе оружје.
Ukraine now.
Kyiv. Lviv. Dnipro. Zhytomyr. Zaporizhzhia. Mykolaiv.
Continuous missile attacks on peaceful cities of Ukraine.
We urge all our allies to give Ukraine more air defence systems and heavy weaponry!#RussiaIsATerroristState #StopRussia & #StandWithUkraine pic.twitter.com/LrJb44meoC— Larysa Dir (@dir_larysa) October 10, 2022
„Кијив. Лвив. Днипро. Житомир. Запорижја. Миколаев. Континуирани ракетни напади врз мирните градови во Украина. Ги повикуваме сите наши сојузници да и дадат на Украина повеќе системи за противвоздушна одбрана и тешко вооружување!“, напиша амбасадорката Дир.
Неколку експлозии одекнаа утрово (10 октомври) во областа Шевченковски во центарот на Кијив.
Најмалку четири експлозии се слушнаа околу центарот на градот рано утрото. Беше пријавено дека се крева чад од едно место во центарот на градот, пренесе Укринформ.
Единствената тактика на Путин е терор врз мирните украински градови, но тој нема да ја разбие Украина, напиша украинскиот министер за надворешни работи на Твитер Дмитро Кулеба.
Украинскиот претседател Володимир Зеленски потврди дека во серијата руски ракетни напади врз главниот град Киjив и другите големи украински градови има загинати и повредени.
Подготви: Ј. Ѓ.
