„Омразата не може и не смее да биде толерирана“, порача американскиот претседател, Џо Бајден, во изјавата дадена синоќа како реакција на пукотницата во ЛГБТ клуб во Колорадо во која загинаа најмалку пет лица.
„Не можеме и не смееме да толерираме омраза“, рече Бајден. „Во моментов нема јасен мотив за овој напад, но знаеме дека последниве години ЛГБТК+ заедницата беше цел на ужасно насилство исполнето со омраза“.
Тој притоа потсети на неодамна усвоениот, според него „најзначајниот закон за безбедност на оружјето во речиси три децении“.
„Но мораме да направиме повеќе. Треба да донесеме забрана за оружје, за да го повлечеме од американските улици“, рече Бајден.
Пет лица загинаа, а 18 беа повредени во саботната пукотница во геј-клуб во Колорадо Спрингс, во американската сојузна држава Колорадо.
Осомничениот е во притвор, изјави за новинарите полициската службеничка, Памела Кастро.
„Клуб Кју“ е ноќен клуб за ген возрасни, со тематски вечерни забави како караоке и „дрег“ настапи и забави со ди-џеи.
