Четири социјални менторки денеска добија сертификати за успешно завршување и имплементирање на адаптираната програма за социјално менторство за жени кои преживале насилство, во рамки на проектот „Можности за економска реинтеграција преку социјално менторство за жени жртви на насилство“.
Раководителката на канцеларија на UN Women Скопје Весна Ивановиќ-Кастаред на денешниот настан по повод доделувањето на сертификатите, посочи дека економско насилство врз жените е посебна форма на насилство и е застапено во повеќе форми.
Според неа, немање на право или глас за домашниот буџет, ограничување на пристапот до финансиски ресурси, ограничување на можноста за образованието се најчесто застапените форми на економско насилство врз жените, кое најчесто не е препознаено, истакна на завршниот настан на проектот „Менторство при работна интеграција на жени кои преживеале насилство“.
-Економското насилство врз жениоте е во повеќе форми, но честопати не е препознаено. До неодамна беше како форма на психолошко насилство, но веќе е и посебна форма на насилство. Најчесто позастапен тип на такво насилство се жените кои се во брак или во врска. Та е форма на конторла, доминација и манипулација и обично е придружено економското насилство со други форми на семејно насилство, рече Ивановиќ-Кастаред
Конкретно, посочи, станува збор за немање донесување право или глас за домашниот буџет, сопствените примања, работа без плата во семеен бизнис, имотна штета, ограничување на пристап до финансиски ресурси, ограничување на можноста на образованието, пристап на пазарот на трудот.
-Поедноставно, тоа е земање на платата на жената, нејзините примања кои ќе бидат менаџирани во домашниот буџет. Истото отвора простор и за сексуална злоупотреба на жените. Познато е дека жените кои се во насилни врски најчесто се економски зависни од сторителот и исто така поголема е веројатноста тие жени кои се во таква ранлива економска ситуација да останат во таа насилна врска бидејќи кога ние немаме финансиска моќ имаме многу малци опции, потенцираше Ивановиќ-Кастаред.
За жал, како што рече, најчесто жените не реагираат на економското наислство да го препознаат како такво, поради некои традиции и норми кои се наметнати во едно патријахално општество, а дури и да ги препознаат, средината можеби не ги поддржува и поттикнува доволно да излезат од истото.
Настанот се организираше во рамките на Региналната програма на ЕУ и UN Women „Спречување на насилството врз жените и девојките во западен Балкан и Турција: Имплементирање на норми – промена на ставови“, која е финансирана од Европската унија.
