ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home АКЦЕНТИ

(ВИДЕО) Столтенберг: Нашата порака е јасна – НАТО стои со Украина! Колку што е потребно!

February 13, 2023 15:47
in АКЦЕНТИ, ВОЈНА ВО УКРАИНА, ДЕНЕС, ПОЛИТИКА, СВЕТ
Share on FacebookShare on Twitter
  • Максималната поддршка од НАТО за Украина, клучна тема и на министерскиот состанок на 14 и 15 февруари.
  • НАТО не смее да дозволи агресијата да биде наградена, бидејќи тоа би го направило светот далеку поопасно место за живеење.
  • Путин не се подготвува за мир. Тој започнува нови офанзиви.

Генералниот секретар на НАТО, Јенс Столтенберг, ја започна денешната прес конференција во Брисел со информација за помошта што Алијансата ја пружа за турскиот народ по разорниот земјотрес минатата недела.

„Нашите мисли остануваат со турскиот народ по разорните земјотреси минатата недела. Илјадници луѓе во состав на единиците за одговор при итни случаи од сојузниците на НАТО ги поддржуваат напорите за помош. Ви нив се вклучени и тимови за потрага и спасување, пожарникари, медицински персонал и сеизмички експерти. Покрај тоа, сојузниците на НАТО и НАТО распоредуваат засолништа за сместување на луѓето раселени од земјотресите. Ние стоиме во силна солидарност со нашиот сојузник Турција“.

Столтенберг ја одржа оваа прес конференција во пресрет на Состанокот на министрите за одбрана на земјите членки на НАТО кој ќе се одржи на 14 и 15 февруари во Брисел, во, како што рече тој, „важен момент за трансатлантската безбедност.“

„Ќе донесеме одлуки за зајакнување на одвраќањето и одбраната на НАТО. Ќе се осврнеме на нашиот индустриски капацитет и ќе ја зголемиме заштитата на нашата критична подморска инфраструктура.“

Воедно, генсекот на НАТО уште еднаш ја изрази максималната поддршка за Украина и најави дека тоа ќе биде клучна тема на министерскиот состанок. Тој оценува дека Путин не се подготвува за мир, туку за нови офанзиви, цела година по започнувањето на инвазијата со големи размери против Украина.

„Ќе ја засилиме и ќе ја одржиме нашата поддршка за Украина. Речиси една година од инвазијата, претседателот Путин не се подготвува за мир. Тој започнува нови офанзиви. Затоа, ние мора да продолжиме да и даваме на Украина она што и е потребно за да победи. И да се постигне праведен и одржлив мир“, изјави Столтенберг.

Тој најави дека на министерскиот состанок на 14 февруари ќе учествува и министерот за одбрана на Украина, Олексиј Резников, како и Контакт групата за Украина предводена од САД.

„Јасно е дека сме во трка на логистика. Клучните потреби како муниција, гориво и резервни делови мора да стигнат до Украина пред Русија да ја преземе иницијативата на бојното поле. Брзината ќе спаси животи“, изјави Столтенберг.

НАТО, според генералниот секретар, не смее да дозволи агресијата да биде наградена, бидејќи тоа би го направило светот далеку поопасно место за живеење.

„Ако Путин победи во Украина, пораката до него и до другите авторитарни режими е дека агресијата е наградена. Тоа би го направило светот поопасен. И сите нас поранливи“, изјави Столтенберг.

Тој ги поздрави неодамнешните најави на сојузниците за нови тенкови, тешко вооружување и обука за Украина и додаде дека со нетрпение очекува понатамошни испораки.

„Нашата порака е јасна. НАТО стои со Украина. Колку што е потребно“, истакна Столтенберг.

Генералниот секретар на НАТО најави дека оваа недела се очекува сојузниците да се согласат да воспостават нова виртуелна мрежа на национални и комерцијални сателити.

„Ова ќе ги подобри нашето разузнавање и надзор. И ќе ги поддржува мисиите и операциите на НАТО. Тоа ќе им овозможи на сојузниците да го зголемат споделувањето на вселенските податоци со командната структура на НАТО, за олеснување на подобра навигација, комуникација и рано предупредување за лансирање проектили“, објасни Столтенберг.

https://frontline.mk/wp-content/uploads/2023/02/jens-stoltenberg-13022023.mp4

Генсекот на НАТО се осврна на потребата за континуирано инвестирање во одбраната и најави дека министрите ќе разговараат за начините за одржување и засилување на трошоците за одбрана низ Алијансата.

„Ние сме на вистинскиот пат, со осум последователни години зголемување на европските сојузници и Канада. И дополнителни 350 милијарди долари потрошени досега. Очекувам дека оваа година ќе видиме дополнително зголемување на трошоците за одбрана. Треба да го задржиме моментумот“, соопшти Столтенберг.

Со тоа, вели Столтенберг, ќе се подобри безбедноста на луѓето во овој сѐ поопасен свет.

https://frontline.mk/wp-content/uploads/2023/02/jens-stoltenberg-13022023-3.mp4

Во одговорите на едно од многубројните прашања, генералниот секретар на НАТО остро ја осуди Белорусија и ја нарече соучесник во нелегалната војна на Русија. Иако Белорусија не испрати свои војници во Украина, тие ја овозможија агресијата од своја територија и одржува вежби долж границата.

Џ. Дерала / ЦИВИЛ Медиа / Брисел

ФРОНТЛАЈН Е-БИЛТЕН

ПРЕТПЛАТИ СЕ НА Е-БИЛТЕНОТ НА ФРОНТЛАЈН И ДОБИВАЈ ГИ НАЈНОВИТЕ ВЕСТИ НА ТВОЈАТА Е-АДРЕСА

Check your inbox or spam folder to confirm your subscription.

Tags: БриселЈенс СтолтенбергНАТОРусијаСАДУкраина

НАЈНОВО

Фото:Фондацијата „Ацо Шопов – Поезија“

Започнува второто издание на Деновите на поезијата

May 19, 2025
Фото:Буква

Прво издание на фестивалот „БУКВАЛНО. ЏЕЗ“

May 19, 2025

Конте: Наполи е блиску до титулата, но треба да го направиме последниот чекор

May 19, 2025

НАЈЧИТАНО

  • АД МЕПСО: Поради нискиот транзит и конзум на електрична енергија дојде до краткотраен испад на 110 киловолтната преносна мрежа

    0 shares
    Share 0 Tweet 0
  • (ВИДЕО) Австрија победник на Евровизија 2025

    0 shares
    Share 0 Tweet 0
  • Научив дека смолата може да ја исуши црешата ко вмро Македонија

    0 shares
    Share 0 Tweet 0
  • Руското влијание во Србија и Балканот: Геноцид, пропаганда, негирање и хегемонија

    0 shares
    Share 0 Tweet 0
  • Мистиката на папската облека и прстенот – симболи на моќ, жртва и светост

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk