„Му се поклонувам на украинскиот народ, кој на светот му покажа дека љубовта кон сопствената татковина е посилна од оружјето на агресорот“, сподели министерката за одбрана, Славјанка Петровска од конференцијата „Украина – Година на хероизмот“..
„Одбележуваме 365 дена отпор, пркос, храброст, искреност да се одбрани сопствената територија. Ова е година на херојство,но и година на единство и сојузништво на европскиот континент. Нашето единство е нашата најголема сила. Ние сме пообединети и порешителни од било кога“, сподели министерката.
Нашата помош и поддршка ќе ги има се додека Украина и украинскиот народ не го остварат своето право слободно да се движат и живеат на сопствената територија, додаде таа.
